|
 |
 |
 |
|
رقم المشاركة : ( 1 )
10 - 07 - 2012, 06:50 AM
|
|||||||||||
|
|||||||||||
|
† النيل ينزف دماً
للأب القمص أفرايم الانبا بيشوى  حزين عليكى يا بلد يا للى بنهدما بايادينا ، وحتى الرياضة اللى بتهذب الاخلاق، نحولها لساحة حرب نقتل فيها بعضينا. والدين والله اللى بيهذب النفس والروح، باسمه بنحرض ونقتل ونحرق بيوت أهالينا ونكفر بعضنا ونقول دا احنا بنقول الحق والحق ما نعرفه ولا يوم عدى حوالينا وحتى الكوره الحلوه نقلبها شيع وأحزاب معاديه، بدل ما تبقى لنفوسنا واجسادنا بانيه، تدمرنا. بدل ما تنمى روح الود تسيل فيها دماء اهالينا، وبدل ما نزرع المحبة والتسامح فى قلوب ولادنا، بالحقد والكراهية بنفرح ابليس فى حاضرنا ونغتال روح المحبة اللى نما فى ماضينا ونعيش القلق والفقر والمرض والظلم كل يوم ونخلى المعاناه والفساد يرتع فى مدننا وحوارينا ونشمت فينا الحساد ونفرح اعدائنا حوالينا منكم لله يا اللى تركتوا الفساد والطائفية والفتن تعشش فى صدورنا سنين وبها الحكام تلهينا والجيش اللى بيحمى الحدود فى كل بلد موجود وكانه خيال مقاته بلا روح ولا نخوه تحمينا قلبى بيتقطع على بلد الحضارة والقمم والقيم اللى انهارت ولا بنسمع لكلام العقال وسطينا وبدل ما نثور على الشر فى قلوبنا ونقاومه نقول دى ثورة على غيرنا بالحقد نمحيه ونحرق الاخضر واليابس فى ربوع وادينا اصحو وبقى وفوقوا ياناس خلى عندنا احساس وحافظوا على اخوه وطن بينزف وقلوب بترجف وثوروا كل واحد على الكرهة والظلم اللى بنعمله فى اخوتنا وبلادنا وحاضرنا ومستقبلنا وأهلينا أصحو بقى النيل بنزف دم والفتنه بتنمو وتقوى زى النار فى الهشيم طفوها بسرعه والا هتحرق بيوتنا ولادنا ومش هتسلم ارواحنا ولا ايادينا. 
|
|
العرض الشجري