|
 |
 |
 |
|
رقم المشاركة : ( 1 )
05 - 07 - 2017, 01:46 AM
|
|||||||||||
|
|||||||||||
 واحد صاحبي مرتبط ببنت و بيحبها جدا بس مشكلتهم ان خناقهم كتير، بس بيعملوا حاجه غريبه.يفضلوا طول اليوم متخانقنين وقبل ما يناموا لازم حد فيهم يتصل بالتاني يراضي ويطيب خاطره..مش بيحطوا في إعتباراتهم مين غلطان قد ما بيحطوا قدامهم فكرة إن محدش ينام زعلان من التاني..ويصحوا بعدها يكملوا خناق وهكذا لحد ما يحلوا المشكلة دي..لما قولت علي اللي بيعملوا دا جنون وحلول غير جدية رد عليا وقال "المشكلة او الخلاف اللي بينا هيخلص مهما طال..لكن لو حد فينا نام زعلان من التاني ممكن يصحي بيكرهوا ويقرر يقسي علية..إحنا بنتخانق علشان نفهم طباع بعض مش علشان نقسي ونبعد عن بعض".. بنت و ولد تانيين مرتبطين ..المهم الولد دا عينه زايغه شويه..البنت اضايقت من حبيبها بسبب الحوارات دي وقررت انها تبعد عنه فترة لحد ما تراجع نفسها وتشوف العلاقة دي اخرتها اية ومع سوء الحظ كانت فترة إمتحانات والواد دا حرفيآ محضرش ولا محاضرة..يشاء ربنا إن الولد دا يعمل حادثة ويضطر يقعد فالسرير لحد الامتحانات..حاول يوصل لأي حد ممكن يبعتله ورق علشان يراجع منه قبل الامتحان لكن فشل ومعرفش يجيب ورق المراجعات النهائيات..المهم دخل علي جروب الكلية وكتب انه تعبان ومش قادر يتحرك ومحتاج حد يبعتله ورق ضروري..بعدها بيوم ام الولد دا قالتله في بنت جت من شوية وهو نايم وسابتله الشنطة دي..المهم صاحبنا دا فتح الشنطة لاقي ورق وملخصات المنهج وورقة مكتوب فيها "انت عينك زايغة اه وتعبتني ومخنوقة منك..بس ميرضنيش ابدآ إنك تسقط وحياتك تدمر..كمان الف سلامة عليك كان نفسي الحادثة دي تبقي في عينك يمكن تبطل تبص علي البنات..بس يلا تقوم بالسلامة ان شاء الله يا قدري الاسود ولو إحتجت تفهم حاجة فالورق ابقي اتصل بيا..بحبك"........................................ ....................... إياكم والقسوة..الخلافات والمشاكل في العلاقات دا طبيعي جدآ بس في وقت بيتحط نقطة فاصلة..اما ان المشاكل دي علشان تعرفوا طباع بعض وتكملوا اما المشاكل دي علشان تنهوا علاقتكم ببعض..عاتبوا بعض ابعدوا فترة بس في مواقف حتي لو بينكم مشاكل الكون لازم تحطوها علي جمب وتبقوا جمب بعض لحد الموقف دا ما يعدي ويمر وبعدها ارجعوا اتعاتبوا واتخانقوا عادي..كمان بلاش تنيموا الناس اللي بتحبوها زعلانين منكم..القلوب بتتغير واللي بينام مكسور من حد مبيصحاش سليم ابدآ حتي لو بيعشقوا..يمكن الشخص اللي زعلان منك دا يموت او يمكن يصحي بيكرهك..سعتها هتندم ندم عمرك.. مش دايمآ المشاكل والخناقات سبب لنهاية العلاقة ممكن تكون سبب إن العلاقة تبقي افضل واقوي..المهم الطرف الحنين والذكي اللي يفهم ويقدر دا كويس..امتي ينسحب من المشكلة وامتي يعاتب وامتي يطيب ويراضي . 
|
|
| قد تكون مهتم بالمواضيع التالية ايضاً |
| الموضوع |
| لا نهايه لحبى لك يا رب |
| نهايه و بدايه |
| نهايه جواز مش نهايه العالم |
| نهايه علاقه او جواز مش نهايه العالم |
| كله له نهايه |
العرض الشجري