|
 |
 |
 |
|
رقم المشاركة : ( 1 )
04 - 07 - 2017, 07:19 AM
|
|||||||||||
|
|||||||||||
 واحد زميلي كل فترة ينزل صورته مع مراته وابنه وهما بيخرجوا وبيتفسحوا في اماكن مختلفة ... وانا كل شوية اعمل لايك وانا مبسوط بالعلاقة دي وبجمال الصور ... ابن صاحبي دا بيحبني أوي فا ابوه طلب مني اننا نخرج سوا ... المهم خرجنا وروحنا قعدنا في كافيه شربنا القهوة وبعدها بشوية قالي يلا نمرجح عمر ... راح عند شباك التذاكر ولاقيته جايب تذكرتين لكل لعبة ... استغربت من التذكرتين بس متكلمتش ... المهم اول ما وصلنا للالعاب اخد زوجته وابنه وركبهم الالعاب كلها وانا واقف مندهش من طريقة التعامل دي ... للحظة معينة حسيت اني خارج مع صاحبي وابنه وبنته ... الجميل ان ملامح زوجته كانت مبسوطة يمكن اكتر من ابنها وهي بتلعب زي الاطفال مع ابنها وصاحبي واقف يتفرج عليهم وبيضحك عدي اليوم ووصلناهم للبيت ورحت انا وصاحبي نقعد علي القهوة ... الفضول اخدني اني أساله عن مفهوم للزواج المهم صاحبي قالي "لحد دلوقتي ابويا كل ما يجيب شيوكلاتة او حلويات لاخويا الصغير لازم يجيب لأمي" وفي مرة اخويا سأله "وهي ماما صغيرة عالحاجات دي" ... ابويا ضحك وقاله "دي بنتي الاولي ... انا عندي تلات ولاد وبنت" ... ابويا استغل الموقف وقعد يشرحلنا يعني اية "مراتك وبنتك" ... قعدت انا واخواتي وبدء يحكي ان الست مهما كبرت لازم تحس انها طفلة ... انا اتجوزت امكم وهي 24 سنة يعني طفلة لسه مشافتش الدنيا ... بقيت اعرفها واعلمها الحياة من اول وجديد ... عاشت معايا اكتر ما عاشت مع اهلها..اتعودت اجيبلها الحاجات دي بمناسبة ومن غير مناسبة ... كل فترة لازم تحس انها مكبرتش وانها لسه اول طفلة وبنت وست في حياتك ... الست مبتعجزش بس اللي حواليها هما اللي بيعجزوها وطول ما انت بتعامل حبيبتك علي اساس انها بنتك هتفضل تحبها وهتفضل تحبك حتي لو بقيت راجل تخين وبنضارة وأقرع هتفضل في نظرها أجمل راجل فالدنيا وهتفضل هي أجمل بنت في حياتك حتي بعد ما تعجز وسنانها تقع والتجاعيد تسكن كل ملامحها ... هتفضلوا تحبوا بعض لانكم حبيتوا بعض بصدق ... الخلاصة قبل ما تختار شريك حياتك لازم تفكر في طبيعة الحياة معاة هتبقي ازاي بعد الجواز، كتير من الرجالة المصريين بيستغربوا من شكل البنت بعد الجواز وخصوصآ بعد ما تخلف، ببساطة الموضوع زي ما هو تغير جسدي لكنه في الاصل تغير نفسي بيأثر عليها، البنت لو حسيت انها لسه بنت حتي بعد الجواز هتفضل مهتمة بشكلها ومظهرها، هي دايرة واحدة بين الحب والاهتمام واحساس انها لسه بنت رغم كل شئ ... مش حابب اكون ظالم واقول ان المسؤلية كلها علي الراجل بالعكس هي علاقة مشتركة لو الراجل فعلآ بيحب حبيبته هيحافظ علي النقطة دي ولو البنت عرفت وفهمت جوزها كويس هتعرف ببساطة تطلع احساس الفطري للراجل كونه اب في البداية سواء ليها او لاولادهم. 
|
|
| قد تكون مهتم بالمواضيع التالية ايضاً |
| الموضوع |
| القلب المكرس هو طبيعة الحياة مع المسيح |
| السما هتبقى عامله ازاى |
| الجواز مش للأستقرار الجواز للمستقرين |
| الجواز مش صليب الجواز اكليل.. |
| طبيعة الحياة |
العرض الشجري