من القوانين المهمة اللي مابناخدش بالنا منها قانون اسمه " الزرع والحصاد " وده قانون طبيعي بمعنى إنه في الزراعة مثلاً لو قررت تزرع مانجة هتطلعلك مانجة مش طماطم أو أي نوع تاني شبهه حتى، مانجة يبقى هتحصد مانجة..
الله برضه عنده نفس القانون وهو اللي قالنا عليه " خلو بالكو اللي انتوا بتزرعوه هتلاقوه" يعني لو قررت تكره أو تخاصم أو تعادي حد أو حتى ماتغفرش هتلاقي نفسك في يوم ما بيحصل معاك نفس الموقف ولو انت قررت تزرع حب ومساعدة أو حتى ابتسامة في وش ناس غلابى الصبح هتلاقي برضه اللي يعمل معاك وعلشان كده لازم نفكر كويس ونراقب تصرفاتنا، والقرار بيفضل ليك في الأخر.. تحب اللي تزرعه يكون إيه!!
04 - 07 - 2017, 02:22 AM
العرض الشجري