|
 |
 |
 |
|
رقم المشاركة : ( 1 )
27 - 06 - 2017, 10:25 AM
|
|||||||||
|
|||||||||
 + قانون الإيجار القديم ! *** ياريت ينصفوا صاحب الأرض الذى باعها للمالك بربع جنيه المتر وينصفوا شركات الحديد اللى باعت الطن بستة عشرة جنيهات وشركة الأسمنت كان الجوال خمسين كيلو أسمنت بثلاثين صاغ وعربة الطوب الأحمر ثلاثة آلاف طوبة بثلاثة جنيهات يعنى الطوبة بمليم... وعربة الرمال بريال...وأجر العمال يشتغلوا من الفجر للغروب بعشرين قرش وبعضهم بخمسة عشرة قروش ... والمالك كان بيأخذ خلوات أكثر من تكلفة الشقة ...وبعضهم كان يجعلك تمضى إنك إستلمت الشقة بدون خلو... وبعدين الدوله كانت بتمنحهم الحديد والخشب والزجاج والأسمنت وكل لوازمهم بأسعار زهيدة... وكل صاحب عمارة حصل على أكثر من تكلفتها خمسة أو ستة مرات. بل بنى خمسة عمارات.واليوم يقول المالك الإيجار لايجيب فرخة ولا كيلو لحمة ...ولما كان الإيجار يجيب لك خروف كنت بتسأل فى الساكن اللى كان يبيع شبكة زوجته علشان يسدد الخلو لحضرتك...والساكن بيتحمل كل الصيانة للعقار ونور السلم وأجرة البواب حتى تركيب مصعد جديد بيتحملوه السكان ...عايز إيه المالك. عاوز يحلب الساكن ويؤجر بالإلوف.رغم إن الدولة أنصفته... رفعت إيجار المحلات والشقق الى تزاول مهن كالأطباء والمحاماه ومكاتب الشركات...ومنحته قانون جاحف بالساكن الشقة التى تخلو يؤجرها قانون جديد ومحدد المدة ... يعنى الساكن يسكن ويركب العدادات نور وكهرباء وغاز ...وأولاده فى المدارس ...وبعد كده المالك يطالب بزيادة الإيجار أو عدم تجديد العقد ... يروح فين الساكن هو وعائلتة ينام فى الشارع.قانون جاحف ينفع للملاهى وليس للشقق...كان الزعيم جمال عبد الناصر يملّك شقق الإسكان الشعبى بعد عشرة سنوات أو خمسة عشرة سنة للسكان وكانوا يتحملوا الصيانة. والملاك الذين إشتروا عمارات الأجانب الفخمة من الحراسة بملاليم وكانوا يبيعوا الشقة الواحدة بالملايين...برضوا مظلومين. يجب إحترام العقد وبنوده بين المالك والمستأجروعدم المساس بالعقد وإحترام القانون ... وكفى عبثا بالشعب الكادح المطحون...وبتقولوا ستمنحوا شققا للمستأجر الذى لم يتمكن من سداد الإيجار الجديد... وليه التعب والمجهود ... إمنحوها للملاك أفضل وإتركوا السكان فى حالهم ... المفروض قانون تمليك الشقق يتلغى هو فيه موظف يملك ثمن شقة بأسعاراليوم بمليون جنيه ... الشقق هذه مخصوص للذين يعملون فى الخارج. وكانت قيمة الإيجارات القديمة عادلة ...لأن اللجنة كانت بتحسب قيمة شراء الأرض وتكلفة العقار وتحصل على ثمنه بعد عشرة سنوات.وكانت تقسم السنة على عدد الشقق.واليوم التمليك والربح الرأسمالى والتهرب من الضرائب. العدل مطلوب وإبعدوا عن الإيجارات القديمة. وفكروا فى مساكن جديدة ومصانع للشباب العاطل على المقاهى. وشكرا. *** مرقس إسـكندر مقار التعديل الأخير تم بواسطة morcos20 ; 27 - 06 - 2017 الساعة 10:31 AM 
|
|
| قد تكون مهتم بالمواضيع التالية ايضاً |
| الموضوع |
| أخر المقترحات لتعديل قانون الإيجار القديم |
| تعديلات على قانون الإيجار القديم |
| ما سيحدث فى قانون الإيجار القديم |
| هل يعصف قانون الإيجار القديم بـ الغلابة |
| نشر مسودة تعديلات قانون الإيجار القديم |
العرض الشجري