مابفرحش انا كتير بأى اتنين هايتجوزوا .. مش حقد وغيرة وكده .. لكن لان اغلبهم بيبقى داخل على حاجة هو مش فاهم اى حاجة عنها غير مسك الايدين وصور الفوتوسيشن وليلة العمر والفرح وتركيا او شرم أيهما أرخص وبس .. أحنا أجهل شعب ممكن يبقى عنده وعى ياعنى إيه زواج وبيت وأسرة وتربية .. وانا هاتك على " تربية " ديه .. لان مين فينا قبل مايتجوز بيفكر هايربى اولاده ازاى .. طبعا مش بتكلم على الاكل واللبس والمدرسة الانترناشيونال ديه اخر حاجة ممكن يستناها اطفالنا مننا .. انا بتكلم عن الشخصية .. مين بيتعلم ازاى يربى طفل يطلع نفسيا وروحيا شبعان وشخصية متينة مش مهزوزة .. احنا فاكرين ان التربية مش محتاجة علام ولا قراية ولا مجهود .. مين فاهم الطفل فى فترة الحمل بيبقى محتاج ايه ولا الطفل فى اول سنتين ولا فى اول اربع سنين .. عشان كده بيطلع لينا اطفال مشوهة مش فى الشكل لكن فى القلب .. قلوب جعانة حب واحترام وتشجيع واهتمام واحتواء وتقدير واعجاب ودفء وامان وثقة .. قبل ماتفكر تتجوز .. فكر انت هاتعرف تربى ؟ إتعلمت ؟ قريت ؟ تعبت عشان تريح اولادك فى المستقبل ؟ .. الجواز مسئولية تربية .. انت هاتتحاسب على كل كلمة وفعل ومشاعر بتزرعها وبتكونها فى إبنك .. وانا عندى يقين ان الشخص اللى بيتجوز وجاهز انه يربى .. هو هايكون جاهز ان زواجه يكون ناجح جدا .. ساعتها بس بفرح لو شوفت اتنين على المستوى الناضج ده ..
#اتعلم_مش_عيب
26 - 06 - 2017, 01:55 PM
العرض الشجري