|
 |
 |
 |
|
رقم المشاركة : ( 1 )
14 - 06 - 2017, 07:54 AM
|
|||||||||||
|
|||||||||||
|
زميل كان طالب مني أرشح له عروسة -على اعتبار ان صحابي كتير- رشحت له زميلة عزيزة كانت طالبة مني اذا قابلني حد عنده رغبة في الارتباط اقوله عليها -على نفس ذات الاعتبار ان صحابي كتير- !!! - بالفعل جمعت الاتنين ببعض وقولت لهم باى باى.. انا كده بره الموضوع تماما أيًا كانت النتيجة.. .. بعد ما شافها وقعدوا يحكوا كتير فرح بيها أوي .. هي كمان فرحت بيه .. الاتنين حسوا انهم خلاص لقيوا بعض.. - وهي مروحة وبيوصلها سألها عندك كم سنة لان شكلك صغير أوي.. مع العلم انه كان في الأربعينات .. ف ردت قالت له عندي 38 سنة.. .. اتصدم .. اعتذر منها وقالها بالنص : آسف مش هينفع نكون مع بعض. ((أنا عايز يكون عندي ولاد وانتي لغاية ما نتجوز هتبقي مثلا 39 واذا حصل حمل هتكوني داخلة في الاربعين فهيكون الموضوع فيه ريسك كبير)) - عدى على الحكاية دي 5 سنين.. حاليا هي اتجوزت وجابت بيبي وهو لسه بيدور على عروسة. !!! - إضافة بسيطة: يا جماعة هو حر .. ده رأيه ودي قناعته الشخصية ومؤكد إنهم مكانوش لبعض أصلاً.. مش أول ولا آخر اتنين مابيكملوش مع بعض لأسباب قد تبدو للكثير انها تافهة جدا ونابعة من افكار عقيمة أو أمراض نفسية.. - العبرة من القصة.. ان البنت اللي وقتها اتقهرت جدا وفضلت فترة طويلة تقولي سؤال واحد ليه؟! حاليا ربنا رزقها بانسان اي حد يشوف صورهم يقول لايقين على بعض جدا وطاقة حبهم ظاهرة للكل وكمان ربنا رزقها بالبيبي اللي زمان كان سبب في إنها ماتكملش مع حد كانت عايزاه الخلاصة.. اصبروا على مرار الأيام والمواقف والظروف.. ربنا دايما فوق الكل وشايف وعارف وعمره ما هيسيب عبده من غير ما يطبطب عليه ويراضيه ويفرحه..كل الحكاية انها بتبقى مسألة وقت وكله باوانه.. مش مطلوب منكم غير الصبر والثقة واليقين . 
|
|
| قد تكون مهتم بالمواضيع التالية ايضاً |
| الموضوع |
| هعوضكم عن كل مرار شفتوه |
| الظلم مر و مرار |
| مرار طافح |
| يارب جايلك وجوايا مرار |
| سنه راحت بكل مرار |
العرض الشجري