البنت ف الفستان بتبقي اشيك واحلي و اجمل .. وكأن انوثتها بتكتمل اول ما الفستان بيلمس جسمها .. بتتحول ل اميره من اميرات والت ديزني او بطله من قصص الاساطير .. الفستان بيخلي ثقة البنت ف نفسها تزيد و بيوهبها جمال فوق جمالها .. شكلها فيه بيبقي مبهج جدآ .. والبهجه دي بتبان علي ملامحها .. والمشاعر دي متهيألي البنت مبتحسش بيها وهي لابسه بنطلون وتيشرت .. مهما كانت حلوه بتفضل حاسه ان انوثتها ناقصها حاجه .. البنت اساسآ _ بالفطره _ بتتشد للفساتين اكتر من اي لبس تاني .. من وقت طفولتها .. حتي العروسه بتاعتها كانت ب فستان .. معتقدش ان في بنت ممكن تقف ف الشارع تتفرج علي بنطلون معروض علي مانيكان ف محل زي ما بتقف _ كل يوم _ تتفرج علي فساتين اشكال والوان .. والفستان دايمآ بيكون مرتبط بالمناسبات الحلوه .. وخصوصآ ليلة العمر .. الليله اللي كل بنت بتحلم بيها و وبتحلم تشوف نفسها ب ( فستان الفرح )
07 - 06 - 2017, 07:05 PM
العرض الشجري