اعظم خزافى

[walaa farouk]

-



إناء مغرور وخزفه مكسور فرحان دايماً بالوانه الكتير . طب ايه راح تفيد ألوانه وغروره وهو مرمى ومكسور لا قيمه ولا نفع ولا حتى راح يوم عنه هنرضى .
- ف مره لقيته على الارض مرمي زعلان وكئيب وحاله يغنى عن السؤال لأنه ف الحقيقه مفرقش كتير عنى .
- سألته مالك راح فين جمالك نسيت غرورك وبقيت هنا مرمى .
- رد عليا بشكل عجيب برجلنى ولخبطنى وطير عقلى منى .
- رد بغروره المعتاد وكمان تحسه كان مرفوع الرأس جمالى راح وايه يعنى مكسور وبقيت هنا مرمى برضه ايه يعنى المهم جمال ألوانى لسه مخليك ليا عارفنى ومميزنى .
- قولتله ياسلام صحيح نسيت انك مغرور أميز فيك ايه ماخلاص بقيت مرمي ولا قيمه ليك ولا عوزه والكل عنك بقي مستغنى .
- ضحك وقالى كلمه ف سرك خليها ف البير انى تعبت ياما في التدوير ومفيش خزافى صعبت عليه ورضي يمد فيا ايديه .
- وسمعت ف يوم عن واحد خطير خزافى صحيح ملهوش مثيل وحده يعرف يلملم كسري ويرجعنى تانى حلو وجميل وادينى اهو مستنى اصل طلع قدامى كسر كتير ولما يحين المعاد ويجى عليا الدور راح يعالج كسرى الكبير وساعتها اتباها بجمال الوانى من تانى وارجع بسرعه لمكانى .
-عجبنى لسانه الفصيح وقولتله حقك فى الغرور تعيش ماهو اللى هيهتم بيك اعظم خزافى ماتكسبش فيا معروف وتدلنى القي مكانه فين يلملم فيا كسر السنين .