|
 |
 |
 |
|
رقم المشاركة : ( 1 )
30 - 05 - 2017, 10:48 PM
|
|||||||||||
|
|||||||||||
 امتى هاتغيير امتى هلاقي نفسي.. سؤال باسمعه كتيييير قوي و انا نفسي ساعات باساله لنفسي علشاني وعلشان غيري.. هاتغيير أول ما اقبل الحاجة اللي فيا اللي عاوزة أبطلها.. ويمكن ده أصعب حته في التغيير لانه الناس كلها بتحاول تقنعني انه ما ينفعش أحب وحاشتي او الحاجة الغلط اللي فيا وتتخيلوا ايه!! إحنا يمكن نقعد سنين في الحته دي عمالين نتخانق مع مشكلتنا وضعفنا وكأننا عاوزين نقص الحته دى مننا.. مع انه صعب قوي لكن مرات بيكون الطريق الوحيد ويمكن أول خطوة إني اقول أنا غلبان أنا ضعيف أنا وحش أنا ما بعرفش أنا فشلت. ما عرفش هل صدقنا الحقيقي مع نفسنا هو اللي بيغيرن، ولا حبنا للحته الضعيفة وقبولنا ليها هو اللي بيغيرنا، ولا إننا عرفنا نشوف أد إيه إحنا ضعاف هو ده اللي بيغيرنا.. ولا يمكن اننا ركزنا مع نفسنا، أو وأجهناها، وبصينا وشوفنا احنا عاوزين إيه هو اللي بيغيرنا في رايي هتفضل ده طول الوقت الخطوة الاولي.. وباشوف كمان إنه اختيارتنا البسيطة اليومية للصح أو للشكل اللي عاوزين نعمل بيه الحاجات هى العامود التاني في التغيير.. يمكن أقرر أحب جوزي بدل ما اتخانق معاه فاعمل حاجة بيحبها.. يمكن أقرر ما تخانقش مع عيالي واجهز لهم ترتيب معين لما يدخلوا من المدرسة، او لما يصحوا الصبح فاخرج نفسي واخرجهم برة الحته الي بتخلينا نتخانق كل يوم.. يمكن أقرر اسكت شوية بدل ما اهاجم.. يمكن أقرر أروح أمشي علشان اهدى وأنا غضبانة يمكن أقرر أقعد أسمع نفسي واكتب واهدى بدل من الاسهل إني أخلص كل اللي ورايا الأول. يمكن ويمكن ويمكن قررررات صغيرة، بسيطة، يومية، في رايي هى دي حجر أساس في مبنى جديد بابنيه، حجر أساس في التغيير يارب عاوزة احبني واشوفني واهتم يا رب عاوزة اقرب مني وأحن عليا وعلي ضعفي، وعلي خوفي.. يا رب ماتخليش اللي باعمله ياخدني من نفسي ومن إني أحيا الحياة. يا رب ساعدني ما اتوهش من زحمة المطالب والاحتياجات.. ياااارب خليك انت ابويا وامي وعوضني عن اللي ما تعلمتوش وما عرفتهوش وما عشتهوش ياارب علمني اعييييشششش..... 
|
|
| قد تكون مهتم بالمواضيع التالية ايضاً |
| الموضوع |
| رمم ثقوب نفسي التي صنعتها رغباتي |
| يريد نفسي التي مات عنها لكي يحتضنها |
| التي ما كان ينبغي لي أن أشغل نفسي بها |
| امتى هاتغيير امتى هلاقي نفسي |
| إن الأشياء الحقيقية التي أحكيها عن نفسي |
العرض الشجري