جوزى بيهملنى

[walaa farouk]

انا متجوزة بقالى 7 سنين وعندى طفلين بس علطول حاسة انى عايشة لوحدى عمر ماجوزى حس بيا عمرة ما عرف انا بحب اية وبكرة أية عمرة ما فهمنى مفتكرش ان فى مرة قعدنا نتكلم مع بعض بصراحة جوايا حاجات كتيييييير مبقدرش اكلمة فيها وساعات بحس انة غريب عنى وعمرى ما فهمت هو بيفكر فى اية وساعات بحس انة بيعمل حاجات من ورايا دة غير الاهمال فيا بجد مخنووووووقة جداااا والموضوع دة مخلى نفسيتى زفت بالرغم اننا متجوزين عن حب وانا بحبة بجنوووون بس كل واحد مننا فى ناحية هو فى وادى وانا فى وادى ببقى ساعات نفسى يدلعنى ويقولى كلمة حلوة لكن للاسف وعلى فكرة كلمتة كتييييييييير فى الموضوع دة لكن بقيت بخاف من رد فعلة فبشيل فى قلبى واسكت ولو انا واحدة تربيتى واخلاقى تسمحلى كنت اتصاحبت على اى حد علشان اعوض النقص اللى عندى لكن مقدرش اعمل حاجة تزعل ربنا منى ولو عملت كدة مقدرش ابص فى عين نفسى ولا ولادى بس اخر ما زهقت بقيت اهمل فية زى ما هو بيهمل فيا وقررت انى اعيش لولادى فقط
نفسى اعرف لية الراجل لما يلاقى مراتة بتموت فية وبتعشقة لية ميدلعهاش ويحبها ويعتبرها امة وبنتة وصحبتة واختة كنت مفكرة اننا بعد الجواز هنكون شخص واحد لكن للاسف احنا 2 انا عارفة انى مش ملاك واكيد عندى نقط ضعف لكن بيتى وجوزى وولادى نمرة واحد فى حياتى
انا زهقت من الاهمال انا ست زى اى ست محتاجة اهتمام وحب وكلام حلو ومشاعر وو