إنك في مكانك الصح ، الصدفة هي خروجة مش مترتبلها ، أو فلوس متكرمشة مـ الشتا اللي فات في جيوبك ، الصدفة ممكن تكون إمتحان دخلته مش مذاكر وربنا سَترها معاك وعديت ، ومش هنبعد بردو لو قولنا إن الصدفة ممكن تبقي حد لقيته في طريقك وإنت بتحاول تنسي حد تاني ، ممكن تبقي لحظة سرحان في الشارع بتفكر في شخص وتبص تلاقيه قدامك ، ممكن تبقي في صُحاب إتكعبلت فيهم في الجامعة عوضوك عَن اللي مشيوا ، الصدفة ممكن في أغنية بتحبها إشتغلت فجأة وإنت راكب تاكسي ، أو أكلة كان نفسك كتير تأكلها وروحت لقيتها عـ السُفرة ، الصدفة في أية تمس قلبك ممكن تشتغل وإنت في أي مكان وتحس إن ربنا بيكلمك .. هي سَتر ربنا في أي مشكلة كُنا فاكرين إننا متعلقين فيها ومش هنطلع ، الصدفة هي الناس اللي بتطلعلك فجأة بعد ما إتقفل الباب بينكم سنين ، أو دعوة من حد ساعدتهُ في الشارع وحسيت انها في وقتها ، الصدفة مِش لحظة بتعدي وخلاص ، الصدفة إحساس مُمتد بتفضل تعمله refresh وسط رصيد الذكريات الحلوة الكِتير 💝
24 - 05 - 2017, 08:29 AM
العرض الشجري