أصعب وقت في علاقتك مع ربنا، لما تبقى جعان أوي ونفسك تشبع بيه، بس في حاجة معطّلاك.. علاقة.. مكان.. مجتمع.. طريقة حياة.. خطية .. عادة مسيطرة.. حاجة قافلة روحك ومانعة عنك النور، والحاجة دي أنت عارفها كويس وربنا مكلّمك عنها كتير وقالك "إستغنى عشان أشبّعك أنا".. وانت عارف أنه وقت ما تسيبها روحك هاتترد فيك وهايرجع النور من تاني.. نفسك تستغنى بس مش قادر.. روحك نفسها تنطلق بس مربوطة في الأرض ومش عارفة تتحرك.. دي بالظبط المرحلة اللي هاتكتشف قد ايه أنت ضعيف وارادتك ولا حاجة.. دي المرحلة اللي بتقع فيها كل صورك وانطباعاتك المزيفة عن نفسك وعن مكانتك الروحية العالية.. مرحلة "عُرى" قدام نفسك وقدام الله.. مرحلة ماينفعش فيها غير صلاة واحدة بس.. "إرحمني"..
22 - 05 - 2017, 07:40 AM
العرض الشجري