يا بخت الناس اللي قلبها نقي

[walaa farouk]

الشخص اللي قلبه نقي، مش معناه انه مابيعملش خطيه او حياته نضيفه يعني لانه ببساطه مافيش حياة مافيهاش غلط! لكن لو فهمنا ايه هو القلب هنعرف نفهم يعني ايه نقي..

القلب في كلمه الله دايما بيشير للدوافع الداخليه، الاراده الخفيه، يعني الحاجه اللي بتحركني من جوايا، اوقات كتير بنعمل تصرفات شكلها من بره كويس ويمكن الناس تيجي تشكرنا عليها، لكن ممكن يكون اللي بيحركني دافع مش كويس، يعني مثلا ممكن اكون شايف حد محتاج مساعده فأروح اساعده فعلا والناس لما هتشوفني هيقولوا عليا انسان خدوم وبيعمل خير، دا اللي شايفاه الناس، لكن ممكن يكون من جوايا انا عملت كده علشان اخد اهتمام منهم وابقى محور كلامهم مش بس علشان اساعد الناس!! وده مش معناه ان كل الناس اللي بتعمل خير وبتساعد بيكون الدافع بتاعهم وحش.. وعلشان كده الكتاب المقدس بيحذرنا وبيقول " القلب اخدع من كل شئ وهو نجيس من يعرفه" وزي ما عرفنا القلب يعني الدافع وبيقول كمان " فوق كل تخفظ احفظ قلبك لان منه مخارج الحياه " طب ازاي اعرف دوافعي صح وغلط، اولا فيه حاجات بتبقى انت عارف انت ليه بتتصرف فيها كده وحاجات تانيه لأ، علشان كده اطلب من ربنا انه يكشفلك دوافعك وقوله الصلاه دي " قلبا نقيا اخلق فيَّ يا الله وروحا مستقيما جدد في داخلي " .. أمين