لو كان بيحبني مكانش عمل معايا كده

[walaa farouk]

لو كان بيحبني مكانش عمل معايا كده 😞

سمعت الجمله دي لما كنت مع صاحبتي وعرفت انها عيانه بمرض ممكن مايكونش ليه علاج هنا وهتاخد وقت شويه لغاية ما تعرف تسافر!!

ساعتها انا مكونتش عارفه اعمل ايه ولا ارد عليها ازاي.. بس كان كل اللي جوايا ان ربنا استحاله يجيب المرض ده، اصله ازاي يعني.. ازاي اللي بنصلي له علشان يشفينا هو نفسه اللي يجيب لنا المرض!!
وطول الوقت بحاول افهم ازاي ده يحصل، دا المفروض الله بيحمينا دا احنا اولاده، ووسط كل الاسئله واللخبطة اللي انا فيها دي، افتكرت قصه في الكتاب بتقول الراجل اللي اتولد اعمى والناس قالت له اكيد عمل خطية لكن كان رد يسوع عليهم " لكي تظهر اعمال الله فيه" ومن ساعتها انا اتأكدت ان ربنا ليه قصد من كل اللي بيحصل ده.. يمكن صاحبتي دي لغاية دلوقتي مخافتش، بس كل اللي يجي يشوفها بيعرف اد ايه ربنا بيعرف يدي سلام وتعزيه ويسند كل حد محتاجه..
لو محتاج سانده من ربنا اطلبه وهو هيكون موجود معاك