|
 |
 |
 |
|
رقم المشاركة : ( 1 )
17 - 04 - 2017, 09:45 AM
|
|||||||||||
|
|||||||||||
 الفرق بين الإنسان " العايش " و الإنسان " الحي " هو " الشغف " .. الموضوع أشبه بشخصين قرروا ياكلوا .. فشخص بيأكل اي حاجة يسد بيها جوعه و خلاص ، و شخص بيطالب بحاجة معينة بيحب طعمها ، بيستطعمها بمتعة و تلذذ ، جواه تجاها شغف او رغبة !! .. فالاتنين كلوا بس السلوك نفسه مختلف ، الاتنين علي قيد الحياة بس برضة السلوك مختلف ! .. بس ايه اللي ممكن يوصل حد لفقدان الشغف ده ؟؟ (الجوع) و(التخمة) ... ففكرة الإمتلاء التام من الحياة بيخليك غير مهتم بالمزيد ، فانتا جربت كل الأنواع و الأصناف ( سواء حصل كدة فعلا أو تم إقناعك بكدة ) ، إنما أنتا بتعاني من إنتفاخ حسي مانع عنك متعة الإشتياق و الشغف .. حتي تجاه للي انتا كنت عاوزه أصلا او محتاجه ! ... علي الناحية التانية الجوع او الحرمان .. فانتا مشوش ، مفيش وقت ولا طاقة .. لا لشغف و لا تلذذ و لا اي حاجة .. انتا اللي حيقع تحت ايدك حتفتك بيه و تفترسه ! حتي و لو أقل جودة او حتي دون المستوي .. و يمكن ده اللي بيفسر سلوك الناس الغير منطقي بفرحة عارمة لما ياخدوا حق من حقوقهم او يتعاملوا حتي كانصاف بشر .. أو بيفسر سلوكهم بالرضا في قصص حب عليلة مريضة و علاقات صداقة إستغلالية .. فعشان تصنع إنسان " عايش " معندوش اي مشكلة في الإنغماس جوا روتين ممل أو نظام غير عادل بدون إعتراض او تساؤل .. أسلب من فكره و روحه و نفسه اي ذره " شغف " ! .... فأملاه أزعاج مجتمعي و مشاكل يومية .. أملاه تخمة حياتيه تسد نفسه تجاه اي إبداع او جديد .. ضيق أفقه و أوهمه أن اخر حدوده هي أوضته و بيته و أرضه .. نزل راسه لو رفعها للسما ، غمض عينه لو بص برا الشباك .. جوًع كل مشاعره الإنسانية و أحرص علي فقر أحاسيه .. حرم عليه اي مظاهر عطف أو رقة أو حنان .. و في الأخر قدم له وجتك الواحدة الوحيدة .. حتلاقيه بياكلها إمتنان و نهم .. و مش بعيد يهاجم و يطيح في اي حد يعرض عليه وجبة غير وجبتك .. ففي إدراكه الساذج السطحي هو "حي" بسببها !! ، غير مدرك أنه مجرد " عايش " ككائن بائس مفتقر لكل معالم الحياة ... 
|
|
العرض الشجري