استغنى عن دماغك
وهاتكتشف مع الوقت أن أكبر مشاكلك في الحياة ماطلعتش هي الناس اللي بتضايقك.. ولا الصحاب اللي مطلعوش صحاب.. ولا الشخص اللي حبيته وسابك.. ولا الظروف.. ولا الدراسة.. ولا الأهل.. ولا حتى البلد البايظة اللي عايشين فيها دي.. (مع أن دي كلها ممكن تكون فعلاً سبب للمشاكل)..
بس لما تبص كويس.. هاتكتشف ان المشكلة الكبيرة اللي معطلاك فعلاً هي "دماغك".. طريقة تفكيرك اللي جايباك ورا.. عُقدك وكلاكيعك اللي مانعاك عن الحياة.. تديُنك المزيف وافكارك المريضة اللي معاشرها بقالك سنين.. مخاوفك واوهامك اللي معششة جوا دماغك.. عينيك اللي شايفة السواد في كل حاجة وقلبك اللي اتحجر ورافض يتغير.. صدقني المشكلة مش براك.. المشكلة هي أنت!
وبعد ما تكتشف المشكلة دي عندك حل من ٢..
١- انك تبطل ترمي مشاكلك وفشلك على شماعة الناس والظروف وربنا.. وتقرر ترمي دماغك القديمة دي في الزبالة بكل قرفها وكلاكيعها، وتتجرأ مرة وتستغنى عن أفكارك اللي بتحارب عشانها وهي هي اللي جايباك ورا.. وبكل هدوء كدة تبدأ تسأل وتتعلم الحياة من اول وجديد، كأنك طفل لسا بيتعرف على نفسه واللي حواليه. وتتحرك في طرق جديدة مرة في حياتك..
٢- انك ببساطة تفضل زي مانتا.. مريض، بيعاني، تعبان وبيتعب اللي حواليه.. وفي النهاية برضو بيآوح رافض العلاج.
استغنى عن دماغك
21 - 03 - 2017, 08:28 PM
قد تكون مهتم بالمواضيع التالية ايضاً
العرض الشجري