|
 |
 |
 |
|
رقم المشاركة : ( 1 )
21 - 03 - 2017, 03:37 PM
|
|||||||||||
|
|||||||||||
|
في عالم حقيقي ... مش موازي ... و لا متعامد على ضوء القمر في جزر المالديفز ... الناس مش هتحبك بجد عشان شكلك حلو و لا عشان أنت غني جدا و لا عشان أنت حد مؤدب و مش بيشتم شتايم naughty ... و لا عشان أنت حد معروف جدا و ليك علاقات في كل شارع في بلادي أم عبده جابت عبدالهادي ... و لا عشان أنت حد عندك سلام داخلي زي غاندي و متصالح مع نفسك و مش بتدوس على النباتات ... لا يا بيه ... كل اللي فات ده ممكن يخلي الناس تستظرفك ... تستظرفك مش تحبك ... تحبك يعني تقوم من أحلاها نومة في عز البرد عشان تنزل تنقذك من مصيبة سودة ... تحبك يعني تتصرفلك في فلوس من ناس أنت متعرفهاش لما تتزنق ... تحبك يعني أنت أهم من سفرية الساحل اللي متخططلها من شهر 9 اللي فات ... بتحبك يعني بترد غيبتك زي متكون موجود و أحسن ... الناس بتحبك لما بتضحكهم من قلبهم في عز ما هما كانوا مخنوقين و عمرهم مبينسوهالك .. الناس بتحبك لما بتسمعهم كويس من غير ما تدخل معاهم في منافسة شرسة في مين فيكوا بيتعذب أكتر ... الناس بتحبك لما تصون أسرارها حتى بعد ما بتختلفوا أو حتى تتفرقوا ... الناس بتحبك لما بتشوفك بتتكلم كويس عن ناس أنت فعليا انفصلت عنها و فارقتها .... الناس بتحبك لما بتحترم مساحتهم الشخصية و مش بتسأل و لا بتدخل في اللي ميخصكش ... الناس بتحبك لما متستغلش نقاط ضعفهم ... لما تستر عليهم زلاتهم ... و في كل الأحوال ... الناس مهما كانت سيئة و خصالها لا تعاشر ... عاملهم بالطيب و الحسنى ... مش عشان هما يستهلوها ... لا... عشان أنت اللي تستاهلها ... تستاهل تعيش مرتاح و هني .... cpd 
|
|
العرض الشجري