|
 |
 |
 |
|
رقم المشاركة : ( 1 )
16 - 03 - 2017, 12:16 PM
|
|||||||||||
|
|||||||||||
 هل الحب قرار عقلاني منطقي أم عاطفي غرائزي ؟؟ لما تقرا في قصص حب المشهورة لازم يجي في دماغك التساؤل ده و خصوصا ان في قصص حب كتير برا نطاق المنطق .. يعني مثلا لما " عبلة الرويني " بنت الأصول اللي من أسرة غنية و مستوي أجتماعي عالي تقع في حب شاعر فقير ملوش اي مستقبل زي " أمل دنقل " هل ده منطقي ؟! لما " ميلينا " تحب كائن سوداوي كئيب مش قادر يحب نفسه لدرجة أنها بيبعدها عنه ! زي " كافكا " هل ده قرار بالعقل ؟؟! لما " سوزان بريسو " تحب الكفيف " طه حسين " و تقرر أنها تتجوزه و تقضي أخر أيام حياتها مع شخص محتاج خدمة و رعاية زي ده بدل ما تختار الشخص اللي يخلي باله منها او يرعاها ،، هل ده قرار سليم ؟! و كتير ياما في قصص حب معروفة و غير معروفة بنحس فيها أن مفيش اي تفكير عقلاني منطفي عشان نختار اللي نقع معاهم في الحب ،، و كأنه قرار طفولي عبثي غير قائم علي اي اسس واعية ،.. مجرد أنجذاب عاطفي من غير تحليل لتوابع الأنجذاب ده .. إشباع مؤقت لحاجة الشخص لسماع كلام رومانسي او المرور بحالة من الأنفعالات اللحظية الساحرة اللي بتخدر العقل و تشل التفكير ! .. و تظهر الصورة كأننا مش بنركز أحنا بنختار مين عشان نستثمر فيهم حبنا ..!  بس الحقيقة مش كدة ... فبالرغم من أن الحب ممكن يظهر بشكل القرار المجنون المتمرد علي الواقع أو المخالف للقواعد ، إلا أنه قرار نابع من أعماق أعماق العقل ..! فعقل " عبلة الرويني " دعمها في قرارها عشان أدرك أن " امل دنقل " حيوفرلها اللي ممكن اغنياء العالم كله ميقدروش عليه و هو الأخلاص ! عقل " ميلنا " خلاها تدرك قلب " كافكا " النقي و توصل لجوهره الطيب وسط غيمات اليأس و الإحباط اللي كان ساجن نفسه فيها .. عقل " سوزان بريسو " وصلها أن الوفاء اللي حيكنه " طه حسين " ليها هو اللي حيحتويها لما تتعب و يجدد شباب قلبها لما تعجز ... فنظريا .. أحنا لما بنحب بتظهر في دماغنا اسئلة كتير تجاه الشخص اللي بنحبه .. شكل حياتنا حتبقي معاه ازاي ؟ المجتمع حيبص لنا ازاي ؟ لما نكبر حنفضل نحب بعض و لا لأ ؟؟ و حاجات تانية كتير عقلك مش بيهدي غير لما يلاقي لها حل او علي اقل تقدير أجابات تقنعه و ترضيه .. أه انتا ممكن تعجب بكلمة حلوة تتقالك ، تتشد لوش جميل او جسم متناسق ، تسرح بخيالك عشان موقف عابر حصل .. بس عشان توصل لقرار الحب ده لازم عقلك يكون حاضر ، و من هنا يبقي قرار الحب دائم مش مؤقت او متغيير .. قرار ثابت قادر يتحمل و يواجه مش قرار رخو بيندثر قدام اي مشكلة او خلاف ، قرار يقاوم مش يهرب ! .. لدرجة أن لو أتعاد بيك الزمن و اتغيرت كل الظروف .. لدرجة لو ظهر قدامك ملاين الناس عشان تختار بينهم .. لدرجة أنك حتي لو فقدت الذاكرة أو اتشقلبت بيك كل موازين الدنيا !! .. برضة بكل قلبك و روحك و فكرك .. حتختار نفس الشخص اللي بتحبه ... فيبقي زي ما قال " كافكا " لـ " ميلينا " : (( .. فأنتِ تنتمين إليّ ، حتى ولو قُدّر ليّ ألا أراكِ ثانيةً على الإطلاق .. )) cpd 
|
|
| قد تكون مهتم بالمواضيع التالية ايضاً |
| الموضوع |
| أتوسل اليك أن تضبط غرائزى |
| نقص الحب هو أعمق ألم عاطفى نشعر به |
| الحب قرار |
| عسكري إسرائيلي هجوم داعش على الأمن المصري قرار عقلاني |
| •°• الحب ،، قدر أم قرار ؟؟ •°• |
العرض الشجري