" أَنْتُمْ نُورُ الْعَالَمِ

[walaa farouk]

" أَنْتُمْ نُورُ الْعَالَمِ. لاَ يُمْكِنُ أَنْ تُخْفَى مَدِينَةٌ مَوْضُوعَةٌ عَلَى جَبَل" - متى 14 -

الناس اللي اختبرت ربنا وسلمت حياتها ليه، بتبقى نفسها لما تقابل أي حد تكلمه على النور اللي وصلها وعلى ربنا وإزاي اتغيرت.. زي السامرية أول لما اتقابلت مع الرب يسوع وعرفته واتكلم معاها، الكتاب المقدس ييوصف حالتها بالظبط ويقول " فَتَرَكَتِ الْمَرْأَةُ جَرَّتَهَا وَمَضَتْ إِلَى الْمَدِينَةِ وَقَالَتْ لِلنَّاسِ: «هَلُمُّوا انْظُرُوا إِنْسَانًا قَالَ لِي كُلَّ مَا فَعَلْتُ. أَلَعَلَّ هذَا هُوَ الْمَسِيحُ؟». من الفرحة اللي كانت فيها كانت عايزة كل الناس اللي في المدينة بتاعتها يعرفوا المسيح..

المسيح قال اننا نور العالم والنور المفروض ينور أي حت ضلمة، وماينفعش انه يفضل مستخبي، ولو هتسأل يعني نعمل ايه علشان ننور العالم؟ الرب يسوع قال الاجابة ممكن بأبسط حاجة زي مثلاً تصرفاتك " فَلْيُضِئْ نُورُكُمْ هكَذَا قُدَّامَ النَّاسِ، لِكَيْ يَرَوْا أَعْمَالَكُمُ الْحَسَنَةَ، وَيُمَجِّدُوا أَبَاكُمُ الَّذِي فِي السَّمَاوَاتِ." - متى 5: 16