|
 |
 |
 |
|
رقم المشاركة : ( 1 )
10 - 03 - 2017, 10:45 AM
|
|||||||||||
|
|||||||||||
 مسافر علي طريق السخنه وفيه عربية تيوتا 14 راكب ماشيه جنب مني ، فيها اللي ساند راسه علي الازاز وسرحان في ملكوته ، وفيه اللي ماسك التليفون وعمال يلعب فيه ، وفيه اللي بيتكلم في التليفون وشكله بيتخانق مع حد وفيه اللي بيقرا الجرنال وفيه وفيه وفيه وشوش متداريه ورا إزاز وكل ملامحهم قصص كتير السواق تقريبا نام وهو سايق ، ففجأة العربية طلعت علي الرصيف وجت في الأتجاه المعاكس بالعرض قدام عربية نقل كانت جايه بسرعتها وهنا انطفى نور عينيهم .. حادثه بشعه وجثث مترميه في كل مكان الموبايلات متكسره وورق الجرايد طاير رجعت الشريط خمس دقايق ووقفتهم وركبت معاهم وحاولت اعرف حدوته كل واحد وكانت النتيجه .. واحد مزعل ابنه قبل ماينام ، ومزعقله جامد ومنيمه منكد علشان مابيذاكرش كويس واحد مزعل اخوه وواكل حقه في ميراث ابوه ، واخوه حالته المادية والنفسيه زفت بسببه وبيحاول معاه بكل الوسائل القانونيه والإنسانيه ولكن للأسف مش عارف ياخد منه لا حق ولا باطل واحد متخانق مع مراته وضاربها علشان طلباتها كتير ومبتخلصش واحد متخانق مع خطيبته علشان .............. واحد مزعل امه علشان .................... واحد شاتم ابوه و ..................... كل واحد وراه مشاكل كتيرة سايبها قولتلهم علي فكرة انتوا خمس دقايق وتموتوا .. انا شوفتكم وانتوا جثث مرميه علي الارض ضحكوا وقالولي انت شارب حاجه يا أخ !! انزل يالا من العربية قولتلهم صدقوني خمس دقايق وتموتوااااااااااا .. هيحصلكم حادثه كبيرة ومفيش ولا واحد فيكم هيعيش لقيت تلاته بدأوا يخافوا فعلا ودارت التلات مكالمات دي 1- ازيك يا حبيب بابا ، متزعلش مني انا بحبك اوي ومكنش قصدي انيمك زعلان انا نفسي اشوفك اشطر واحد في الدنيا وتبقي دكتور كبير زي مانت عايز وافتخر بيك في كل مكان ، ارجوك ذاكر ومتلعبش غير في وقت الراحه وبس ، وعايزك تديني ماما اكلمها .. هاتيله اللعبه اللي كان نفسه فيها ولما اجي بالليل هبقي اديهاله ، ولو اتأخرت اديهاله انتي وقوليله بابا بيحبك ، وبيحبك انتي كمان ... 2- ايوه يا متر ، بموجب التوكيل العام اللي عاملهولك ، انا بتنازل عن نص ممتلكاتي لأخويا ، وقوله اخوك بيحبك بس هي لحظة شيطان ... 3- سامحيني يا أمي ، انا مش عارف ازاي هان عليا انيمك وانتي معيطه بسببي ، اقسملك اني مش هزعلك تاني وارجوكي سامحيني ، انتي اتحملتي علشاني كتير اووووووووووي انا بحبك ومستاهلش التراب اللي بتدوس فيه رجليكي ...... تلات مكالمات بس اللي تموا ... ونزلت من العربية وشغلت الكاميرا علشان اصور الحادثه مجرد قصة ، قدرت ارجعها خمس دقايق .. لكن في الحقيقه .. مفيش حاجه بترجع ابدا ... هل تعلم انك ربما بعد خمس دقائق من الأن تكون ممدد علي الارض امام ناس لا تعرفهم يبحثون في جيوبك وبين اغراضك عن اي اثبات شخصيه ليتعرفون من خلالها عليك ليبلغون اسرتك وهنا يبقى السؤال .. مستعد !! 
|
|
العرض الشجري