إزاى أعلم أولادى الصوم ؟

[Marina Greiss]

هنلاقى 7 نصايح علشان نعلم أولادنا الصوم ...
لكن قبل ما تنفذوا الكلام دة لازم تطلبوا من ربنا يساعدكم ويدى نعمة لاولادكم علشان تعلموهم الصوم...
وتعليم الصوم زى تعليمالصلاة ورشم الصليب للاطفال فى السنوات الاولى

+ أول حاجة لازم أنت تكونوا قدوة ليهم ,, يعنى مش معقول أعلم إبنى وبنتى الصوم وأنا نفسى مش بصوم .

يبقى أولى النصائح

1- أكون قدوة للأولادى أصوم أنا أولاً وبعدين ابتدى اعلمهم .

2 - أبسط لأولادى يعنى إيه صوم ؟ وجميل خالص بقى اننا نشرح مناسبة كل صوم فى الكنيسة ليهم .

3 - لو عايزين نعلم أطفالنا فترة إنقطاع عن الأكل زى التناول كدة هنبتدى مثلا لسن 4 سنين او 6 نخليهم يصوموا لحد الساعة 12 لو بيصحوا الساعة 10

وكل أم لازم تعرف الحالة الصحية لاولادها يعنى لو بيتعبوا من الانقطاعى يبقى خلاص منضغطش عليهم.

5 - الطفل بقى يحب التنوع فى الاكل يعنى مش معقول عايزين تحببوا الطفل فى الصوم يبقى كل يوم بطاطس مقلية صبح وضهر وليل لا طبعا
كأم حاولى تنوعى ليهم كبداية علشان يحبوا الصوم.

6 - حذارى بقى نعرف الطفل أو حذارى إننا إحنا نكون بنستخدم ما يسمى بالجبن الصيامى أو السمن النباتى .. متأكد لو الطفل قدمتيله الحاجات دى مش هيتعلم إطلاقاً يعنى إيه صوم ..ومش هيشعر بفرق خالص بين الأيام العادية وأيام الصوم .


7 - أجمل حاجة فى الصوم فكرة اننا هنتدرب معاهم ازاى مش هنحلف او نكب او نزعل بابا وماما , أو هنتعلم الطاعة ...
وكل ما لقيتوا اجابية من أولادكم لازم يبقى فيه مكافأة منكم ليهم ..