|
 |
 |
 |
|
رقم المشاركة : ( 1 )
18 - 02 - 2017, 01:55 PM
|
|||||||||||
|
|||||||||||
|
تخيل لو شوفت واحد لابس بنطلون وماشي في الشارع وفجاه البنطلون اتبقع قعد يعيط وانهار رجلي باظت وفضل ماشي بالبنطلون المبقع حزين يوم واتنين عمال يقول رجلي خلاص باظت انا بكره رجلي ابسط حاجه هتقولهاله دي مش رجلك ده البنطلون قالك يااااه ده البنطلون .... انا كنت فاكره رجلي ده علي كده بقي ممكن اغيره والبس بنطلون جديد لكن رجلي ملهاش دعوه بالبنطلون دي رجلي مهما حصل ومها غيرت بنطلونات كلام منطقي للاسف بننساه افكارك.. بيتك.. ولادك.. شغلك.. وظيفتك ...غلطاتك... سلوكك السيء دول برا نفسك واي حاجه برا ممكن تتغير ولو حتي متغيرتش هي مش نفسك خرجها من جواك وحطها قدامك وسيب نفسك متقدرة مهما كان انت خلق الله وعندك رساله انت انسان لما تقدر نفسك بجد هتقدر تفهم ان الحاجات دي ممكن تتغير بس سواء اتغيرت او لا هي مش نفسك لما تلاقي نفسك رابط نفسك بحاجه وبتبص لنفسك من خلال الحاجه دي اسال نفسك هي برا ولا جوا جوا يعني نفسك اللي ربنا خلقها قبل ما تكتسب كل الحاجات دي برا يعني حاجه مكتسبه وممكن تتغير او تتعوض بحاجه تانيه اسمح لنفسك انك تقدر نفسك تقدير من غير شروط بنية انك تغير كل الحاجات اللي مش عاوزها برا نفسك 
|
|
العرض الشجري