ازاي اسمع صوتي الداخلي لو مبعرفش اسمعه
1- هات ورقه وقلم واكتب كل حاجه جواك ممكن تلاقيهم حاجات ملخبطه رتبهم واكتبهم تاني وهما مترتبين
2- عامل نفسك زي طفل عنده 3 سنين مينفعش معاه تكلمه بالمنطق
لو قالك خايف مينفعش تقوله متخافش
ومفيش حاجه تخوف اساله خايف من ايه
طب ايه اللي حصل خلاك تحس بالخوف
وحاول متمنعهوش يخاف بس تطمنه وتريحه
وكل حاجه تحصل وتحس بيها كلم الطفل اللي جواك بهدوء واسمع منه
3- لو محتار جدا في حاجه ومش لاقي مساعده
قول يارب انا تعبت ومش عارف اعمل ايه
ارشدني للخير وانتبه للاشارات والعلامات اللي حتظهر من جوا
4- لما تلاقي نفسك ماسك في حاجه جدا حتي لو بتضرك
اسال نفسك ايه الحاجه الحلوة جوا الحاجه الوحشه
واتاكد انك من جوا شايف فيها حاجه حلوه
ويوم ما هتعرف تطلعها وتفصلها عن الحاجه اللي بتضرك
هتعرف تلاقيلها بديل وتتخلص من الحاجه اللي بتضرك
