|
 |
 |
 |
|
رقم المشاركة : ( 1 )
17 - 02 - 2017, 09:45 AM
|
|||||||||||
|
|||||||||||
|
مينفعش حد يقولك " بحبك " تروح رادد علطول " و انا كمان بحبك " !! ، أصلها مش " سلاموعليكم " أو" مساء الخير " فالرد جاهز و معروف ،،، أو كأنها مجاملة هو قالك " بحبك " فانتا بترد الجميل وقتي و تقوله برضة " بحبك " ، فأشطة خلاص كدة خالصين ! ،،، أو كانها شفقة و هو صعبان عليك ، فبتاخد بخاطره و متكسفوش و ترد له الكلمه و كأنك بتقوله " يا حرام ، انا كمان بحبك عشان متزعلش " !!! ... مينفعش " بحبك " تتقال بشكل أنفعالي يعني خروجة حلوة اوي أو موقف عجبك من الشخص ده فتروح تكافأه بواحدة " بحبك " ! مينفعش " بحبك " اصلا تكون مكافأه او حتي مقابل ! شعور الحب ده لازم يكون بيتقال في المطلق ، بيتصرح بيه في شكل مجرد من اي شوائب سلوكية حتي و لو كانت فرحة او حالة إنبساط جنونية ! ... " بحبك " ملهاش اي تلتين لزمة او انحصرت في كلمة تتقال و تتسمع و فقدت كيانها كإحساس بيتبادل بين اتنين ! لازم " بحبك " تكون باينه في الاحترام المتبادل ، في الحرص و الاهتمام علي الاخر ، في التضحية الحقيقة المنزهة عن اي مصلحة او غريزة ، في الالتزام بالحب ده و الاستمرار بيه .. مش خاضعة لحالة مؤقتة حتنهي او حتحول مع الوقت و الزمن .. فمهما اتقالت مليون " بحبك " في كل دقيقة و كل ثانية ،، مهما أتكتبت علي حيطان الشوارع و اليفط في الميادين ،، مهما اتوزعت في منشورات بتترمي علي كل سكان الأرض أو أرتسمت علي سطح القمر عشان يشوفها كل الناس ! بس المقصود بيها محسهاش او عاش بيها كقيمة صادقة جواه .. فتبقي مجرد لفظ باطل ! .. مفرقتش كتير عن كلمة " خوخ " أو كلمة " شباك " .. كلها في الأخر كلمات جمادة و حروف ميتة ... بحبك_مش_كلمة 
|
|
| قد تكون مهتم بالمواضيع التالية ايضاً |
| الموضوع |
| كلمة بحبك |
| مش عارفة ليه اسهل كلمة الناس بتقولها كلمة بحبك |
| كلمة بحبك |
| يعنى ايه كلمة بحبك |
| ما معنى كلمة بحبك ؟ |
العرض الشجري