-علق قلبك بربنا مش بالناس

[walaa farouk]

مش لازم تاكل ف مطعم غالي عشان تبان ابن ناس..الشاورما السوري حلوه ،جربها.. و لو كلتها و أنتَ بتتمشى أحلى.
-فراغ + وحدة + البقاء كتير في البيت = دمار شامل لحياتك.
-ماتخافش ربنا مش هيديك حمل تقيل إلا أما يديك كتف يشيل، وحتى في الابتلاء هيديك على قدر تحملك وصبرك واستعانتك بيه اطمّن "
-من وقت للتاني ربنا بيبعتلك إشارات علشان يطمنك إنه جمبك وراضى عنك
دعوة من شخص ، رزق مكنتش عامل حسابه أو توفيق فـ أمر كنت فاكره بعيد ربنا كرمه موجود دايماً حواليك بلا نهاية ..❤️
-علق قلبك بربنا مش بالناس محدش قلبه بيوجعه مع ربنا
-رضا أهلك كنز من كنوز الدنيا بيفتحلك اي باب مقفول
-البنت اللي ترتبط بيها أو الشاب اللى ترتبطي بيه مش مهم يكون حافظ القرآن ،المهم يكون بيطبق و لو آيه مِن القرآن. عشان الناس بتاعت يقولون ما لا يفعلون كترو اوي
-ربنا خلق كل واحد فينا عنده حاجه بتميزه عن غيره عشان نكمل بعض مش نحقد ع بعض
-ماتبطلش صلاة، حتى لو مش شايف تغيير في الواقع، حتى لو الظروف بقت أسوأ، ماتبطلش صلاة مهما حصل، هيِجي يوم وهتُحصد نتايجها .
-اوعي تنسي ان في يوم فضلت تدعي ربنا
يرزقك بالحاجات الي عندك دلوقتي
-مفيش حاجه اسمها كليات القمه ،فِ قمم ف الكليات.. أو اي مكان حتى و لو محل خضار.
انت مش هتنجح عشان أنت ذكى أو غنى أو متعلم كويس ..
انت لو نجحت هتنجح عشان عندك إصرار و هدف انت مصمم تحققه وقريب جدا هتنجح وهتحقق حلمك
دا هيكون من كرم ربنا عليك ربنا كريم والله اطمن لتدبيره
-مفيش حد مثالي ،كلنا مليانين عيوب بس ربنا ساترنا 😑.
-مش كل بنت مش لابسه حجاب ف النار ، و كل واحد بيتكلم ف الدين فِ الجنه.. دي حاجات ميعلمهاش غير الخالق.. بطلوا فتّى
-الحُب عمره ما كان و لا هيكون حرام.. بس منعملش الحرام بإسم الحُب..💕
-مفيش بنت إسمها عانس! .. دا النصيب ،و أمها بتدعيلها بإبن الحلال و لأنهم بقوا عمله نادره فهي لسه متجوزتش.
-زي ما انت بتدور علي محترمه هي كمان بتدور علي راجل
-مش إي حد يقولك هقفل او همشي بيبقى عاوز كدا ،ساعات بيكون مستنى منك تقوله " خليك شوية "
-مش كل اللي بيهرجوا مبسوطين ،و لا كل اللى بيهونوا و يطبطبوا ع غيرهم بخير.
انت سند نفسك متخدش حد سند ليك كلنا حيطة مايلة.
-كّل اللي يعجبك و إلبس برضوا اللي يعجبك.. مالك و مال الناس ؟🍕👚
-أبوك و أمك مكانوش مملين و منغلقين كدا ،بس شالوا الهم لما انشغلوا بتربيتك
حلمك مالوش تاريخ صلاحية و خوفك مش هيعملك حاجة غير انو هيعطلك.
اغلط اوقع و حاول تاني لحد ماتقف من جديد. #قوم_انجح_انت_تقدر
-مش هتعرف تاخد حاجة ربنا مش مقدرها عليك سواء كانت حلال أو حرام..
فطالما مش هتاخد غير نصيبك فاصبرشوية لحد ميجيلك
-خسرت شغل ؟ ،علاقتك بحد فشلت ؟، مش لازم يكون سببها حسد..
-مش كل حاجه وحشه تحصلك تبقى شر ، مليون ف الميه ربنا مداريلك وراها حاجه حلوة ..
وليه حكمه ف اي حاجه بتحصل