الانترنت صياد الشباب الضعيف

[Marina Greiss]

اخوتى الاعزاء ارت اليوم ان اتكلم معكم فى موضوع مهم جدا بقى فى حياتنا بنعيش فيه كل يوم وهو
الانترنت
الانترنيت يا اخوتى هى معناها دخول النت اى انتر باللغة الانجليزية كلنا طبعا بنعرفها هى دخول النت
والانترنت يا اخوتى هى شبكه الكترونية دولية عالمية على مستوى العالم كلة يعنى باب دخول للعالم كله انا بشبهه فى تفسيرى ان الانتر نت باب متفرع منه طريقين طريق صحيح وطريق غير صحيح وعلى كل واحد وواحدة فينا ان يختار الطريق اللى عايزة نفس الانسان وحياته على الارض اما ان يعيش فى طريق صالح خالى من الخطية والشر وكل ما هو يرضى الله وتكون نهايته يكسب الملكوت وحياته تكون مع الله الى الابد او اما ان يعيش فى طريق كله شر وخطية واشيا تغضب الله ويكون مصيرة طبعا معروف نار ابدية لا تطفا الى ابد الابدين
كذلك الانترنت تقدر تدخل فى طريق صحيح طريق الخير والصلاح وذلك يكون بدخول المواقع الدينية المسيحية المنمية لحياتنا الروحية والمزوده لمعلوماتنا الدينية والفكرية السليمه ويكون الشخص سبب بركة لاخرين وصداقة طاهرة بدون غش ولا خداع ولا اهانات للغير
او اما الشخص يختار طريق اخر هو طريق المواقع الغير كويسه والمواقع الاباحية ومصادقة ناس غير محترمين يضيعوا حياته الروحية والفكرية والجسدية ويدمن هذه المواقع والشباب الغير سليم ومن الصعب التوقف عن ذلك ويبقا الشخص اختار هلاكة بيدة وبدون ما يحس وتكون نهايته الجحيم والنار الابدية
لماذا تفتح الانترنت وماذا تريد منه :-
اخى واختى ان كنت تريد فتح الانترنت لاشياء لتنمية الافكار السليمه او للدخول للمواقع الشات المسيحى لكى تزداد معرفة وصداقة وتعارف طاهر او تريد معلومات لدراساتك العلمية او حاسس بفراغ ومش عارف تحكى مع مين المواقع الكنسية تنمى حياتك وتجعل منك انسان مثقف فكريا وروحيا ونفسيا
اما ان كنت تريد فتح الانترنت علشان اشياء اخرى فثق تماما انك تدمر اول الناس نفسك وحياتك الروحية وايضا اسرتك وكل شى من حولك يتدمر وتكون نهايتك نهاية غير مشرفه ليك او لاى شخص يتبعك
كيف اختار الوقت المناسب لفتح الانترنت :-
الانترنت يا اخوتى بالنسبة للطلبة ان يكون فتح الانترنت بعد قيام الشخص بكل واجباته الشخصية والعلمية ومزاكرة دروسة وان يكون فتح الانترنت لاخذ شى مهم او معلومة مهمه او مقابلة صديق ولكن بحيث ان يكون الصديق لا يسبب ضرر عليك وقتى او فكرى يعنى ساعة فى اليوم كويسة جدا تاخد الحاجه الصح اللى عايزها والغير صحيح ابعد عنه حتى ولو صادفك دخول الغير اهرب وابعد عنه ما دام ما تعرف عنه شى ولو اخترت التعارف والصداقه اختار اصدقائك من طائفتك ومذهبك ومواقع كنيستك تتنما الى ما هو افضل
ماذا افعل ان كان فى واحد او واحدة دخلت عليا وهذة الشخصية غير كويسة :-
المفروض فى هذه الحالة احزفة من قائمة الاصدقاء وفى نفس الوقت اعمل له بلوك
الصور :-
المفروض على كل واحد وواحدة ان يعمل خصوصية لصورة بحيث ان لا تحفظ او ان ينعمل لها دونلود . الاحظ الفيس بوك وللاسف الكل حاطط صورة وصور اسرته ومن السهل الصور دى تنزل وتتفبرك واعتقد الكل فاهم انا اقصد ايه فلابد من الخصوصية
ماذا افعل ان كنت مدمن مواقع غير كويسة او بعرف شخص غير كويس على الانترنت؟
فى هذه الحالة يا اخوتى ان يجب على الشخص المدمن هذه المواقع ان يحزفها نهائيا من على جهازة ويبدا بفتح المواقع الدينية ومشاهدة الافلام الدينية وبكدة يكون دخل الباب الصحيح وقفل باب الشر ولو فى مره من المرات حبيت ترجع للمواقع دى وده اكيد طبعا اشغل نفسك باى شى بعيد عن الانترنت خالص واهرب كما هرب يوسف الصديق من الخطية وكما هرب القديس العظيم موسى الاسود من الافكار التى كانت تحاربه ان يرجع مرة اخرى للخطية
اخوتى اسئل الله القدير مخلصنا يسوع المسيح ان يخلص كل شخص واقع فى هذه المحن وادعو ربنا ان يوقفه مرة اخرى للايام الاولى ايام البركة والعفة والطهارة وان نستعمل النت الاسعمال الصحيح لنا ولأولادنا
بركة ربنا ومخلصنا يسوع المسيح تكون معنا ومعكم الى ابد الابدين .