|
 |
 |
 |
|
رقم المشاركة : ( 1 )
06 - 02 - 2017, 06:23 PM
|
|||||||||||
|
|||||||||||
  هو اللى عجيب مش هما .... هو اللى قوى مش هما ..... لينا اله يصنع اللى يفوق العقول ويكسر كل منطق البشر خمسة وخمسون يوم بشوفهم فى قمة الألم والترجى انهم ميفقدوش بنتهم دميانة كلنا كنا خايفين عليهم .. معقول هيستحملوا لو حصلها حاجة ؟؟!! وجه اليوم اللى خفنا منه ... ياربى هنعزيهم اذاى ؟؟ خلاص يارب اتصرف زى ما قويت اهل الشهيده ماجى وباقى اهل الشهداء ... بس بصراحة كنت خايفة عليهم تعبانين قوى.. لما لبسنا العروسة دميانة النهارده ندهت مامتها تدخل تشوفها قبل مانحطها فى الصندوق وانا حاطة ايدى على قلبى .. وكانت المفجأة ..ابتسمت وعنيها غرقانة دموع ومسكت بأيديها الاتنين رأس دميانه وقالت بصوت عالى .. يارب بديلك النهارده اغلى ما ليا وانا فرحانة كنت عايزاك تشفيها بس انت اخترت وانا فرحانه بأختيارك .. اغلى ما عندى بديهولك يا رب ... ودخل امير بباها بنفس الدموع والايد اللى بتترعش واول ما شافها ابتسم وباسها وقالها مبروك حبيبتى ووقفوا يتصوروا معاها والابتسامة ماليه وشهم ... ركبنا العربية معاها وقلت ربنا يستر مينهاروش الاقيهم طول الوقت بيبتسموا .. طب اكيد لما نروح الترب هينهاروا دى لحظة قاسية .. برضة فرحانين والضحكة ماليه وشهم !!! وركبنا العربية نروح ... ايفون انت كويسة .؟ ايوة انا فرحانه قوى انا لو جوزتها عمر فرحها ما هيبقى بالحلاوة دى كان قلبى فيه وجع جامد بس اختفى مش عارفة اذاى .. وانت يا أمير ؟!! انا فرحان مش عارف اذاى انا بجد حاسس بفرح ... هما مستغربين لكم الفرح اللى دخل قلبهم .. وكمان ناس كتير مستغربين ايه الناس اللى بتضحك وبنتهم ميته الاجابة ببساطة ... الاهنا عظيم وقوى .. اتعلمنا فى كنيسته نفرح بالسماء واتعلمنا ان وقت الضيقة بيشيل عنا مش احنا اللى بنشيل .... تفجير البطرسية اتحول لتفجير الفرح فى القلوب .. الله يعظ بأولاده اللى مكنوش معروفين والا متشافين .. صدقوا ربنا واتمتعوا بمجده ... الاهنا عظيم وعجيب وقادر على مر العصور .. الله يعلن عن ذاته ,,, متستغربوش انهم فرحانين استغربوا انكم انتم اللى مش فرحانين .. ربنا طيب 
|
|
| قد تكون مهتم بالمواضيع التالية ايضاً |
| الموضوع |
| الست اللي اسمها العزباوية اللى بَعَتِّيها لي هي اللي شفتني |
| يسوع الفادى علّمنى..إنى أحب اللى يخاصمونى-وأصالح اللى يضايقونى-إيه اللى نتعلّمه منك |
| عجيب |
| عجيب |
| لقاء عجيب فى مكان عجيب |
العرض الشجري