|
 |
 |
 |
|
رقم المشاركة : ( 1 )
31 - 01 - 2017, 06:55 AM
|
|||||||||||
|
|||||||||||
|
عشر طرق عشان تعلم ابنك يعبر عن نفسه طيب خلينا نعرف الأول نفسه يعني ايه ؟؟ نفسه يعنى مشاعره رغباته احتياجاته واهتماماته ١-حواديت وقصص فيها مشاعر زي خوف وإزاي البطل أتغلب عليها ونتكلم عن الخوف بشكل إيجابي وانه مجرد إنذار للخطر عشان نتاكد الموضوع خطر بجد ولا مش كل خوف وراه خطر حقيقي ده مجرد تنبيه من مخنا لاي حاجه جديده او غريبه او حتي بتخوف حد غيرنا -الاحباط والحزن وأنهم بيحصلوا لما نفقد حاجه مهمه بالنسبالنا ونتكلم عن الحزن بشكل إيجابي وان ربنا خلقهولنا عشان ناخد break نعبر فيها عن اللي جوانا ونحسس اللي حواللينا اننا محتاجين مساعده او تعاطف ونتكلم عن الموضوع فممكن نفهم اكتر سبب الفقد او الغلطه ونتعلم منها وننضج ونكبر وبعدها بنقف ونكمل واحنا احسن -الغضب وانه شعور إيجابي عشان نقدر ندافع عن حقنا وعن نفسنا وان من حقنا نحس بالغضب بس ازاي بنعبر عنه ده اللي ممكن ميكونش مقبول ونعرفه الطرق الغير مقبوله في التعبير عن الغضب والطرق المقبوله في التعبير عنه -السعاده وانه شعور بيخلينا نتعرف ايه اللي بيسعدنا وايه بيبسطنا وايه بيخلينا متحمسين وكل واحد ممكن جدا يعمل لنفسه كتاب في الحاجات اللي بتبسطه عشان لما يهجم عليه الحزن والملل والاحباط والخوف والقلق بعد ما يعبر عنهم يقدر يرجع تاني يتوازن ويحس بالسعاده عشان يكمل شغله وعلاقاته وحياته ٢-اننا نخصص اسبوع لتصوير المشاعر بكاميرا ونطبع الصور وتعلقها علي حيطه ازاي ممكن يصور مامته او نفسه او مقطع في التلفزيون واصحابه بعد ما يستأذنهم سواء في مواقف حقيقيه او حتي بأنهم يمثلوا الشعور وهو يصورهم ٣-اطبع من علي النت صور بأنواع المشاعر واحطها في صندوق وكل يوم نفتح الصندوق يختار شعور مر بيه النهارده ويتكلم عنه ٤-نلعب معاه treasure hunt عن المشاعر ازاي -نجيب ورق كتير ونكتب عليه احتياجات ورغبات كتير زي محتاج حضن عايز يفهم عشان يطمن فضفضه يرسم يلون يفكر في حل المشكله اهتمام أتسمع حد يفهمني صح حب أغير جو اعتذر واصلح غلطتي انام اكل اللعب اكلم مامتي الاعتذار من اللي غلط معايا ......الخ -اجيب اي شخصيات هما بيحبوها حيوانات ديناصورات عرائس عربيّات -اجيب ورق واكتب قصاد كل شخصيه شعور معين وهو حاسس بيه ليه يعني مثلا الارنب جيسي حاسس بالحزن عشان مقدرش يلحق الرحله وممكن يساعده .......... وهكذا -أخبئ الورق اللي فيه الاحتياجات والرغبات في حتت متفرقه من الشقه 😂وارسم رسم كروكي كده اكنها خريطه ومتعلم علي أماكن الورق فيها واشرحلهم انهم هيقدرروا يساعدوا الشخصيات دي ان مشاعرهم تبقي احسن اللعبه دي مفيهاش صح وغلط يعني ممكن واحد يكون شايف ان اللي هيهدي الارنوب يلعب وحد تاني شايفه يتكلم مع مامي ملناش دعوه جيسي تعوز اللي تعوزه الهدف منها يتعلموا يعبروا ويعملوا حاجه تساعدهم يهدوا ٥-نتفرج معاهم علي فيلم كرتون ونناقش مشهد فيه مشاعر مشهد واحد عشان الولاد متزهقش ٦-لو ابنك بيحب المسدسات والنيشان ممكن نحط لوحه عليها مشاعر وينشن بالمسدس عن الشعور اللي حاسس بيه ٧-فيديوهات من يوتيوب بتتكلم عن الغضب وطرق تهدئته وعن المشاعر ٨-لعبه كمل الحدوته ابتدي بحدوته حصل فيها مشكله والبطل حس فيها بشعور معين وخليه هو اللي يكمل النهايه السعيده ٩-احكيله عن مشاكل ومواقف ومشاعرك وقتها وهديتي نفسك ازاي ١٠-مسرح عرائس فيه قصه عن المشاعر والرغبات 
|
|
العرض الشجري