|
 |
 |
 |
|
رقم المشاركة : ( 1 )
29 - 01 - 2017, 07:11 PM
|
|||||||||||
|
|||||||||||
|
وانا صغيره لما كنت بخرج مع صحبتي الانتيم وحد من الولاد اللي في الشارع يضايقنا كانت هي بتقف تتخانق معاه وتزعق معاه وانا كنت بكش واقعد امد واتجنب المشاكل وكنت بحس اني متضايقة منها هي جدا انها نكدت علينا وبجد ازاي تعمل عقلها بعقله كبرت وانا بتجنب برضه بشتري دماغي مش بحب النكد ولا الخناق وممكن كتير مردش علي حاجات بتضايقني الاول كنت شايفه ده ضعف وان ليه انا مش بعرف اتخانق ليه مش بعمل كده مع ان اهلي كانوا مديني ثقه في نفسي ومع اني بعرف اخد حقي بالذوق لحد ما في يوم من الأيام كنت قاعده مع حد دماغ وسئلني هو انت اتخانقتي قبل كده قلت له اه قالي ازاي؟؟ قلت له باخد جنب وكل واحد في حاله قالي فين المواجهه!! فين الخناقه!! نعم هو لازم يعني أقف اتخانق قالي لا بس علي الأقل تسمحي لنفسك بده احيانا ساعات بتبقي محتاجاه الحقيقه اتهزيت جدا وفضلت أفكر انا مش مقتنعه بكلامه ومش حاسه ان في حاجه مستهله اني تتصادم مع حد عشان انا مش بحب النكد مش بحب النكد مش بحبه حصل موقف حد استفذني جدا جدا وقررت اني أقف وأجرب المواجهه ملمش الليله ورديت عليها باحترام اه بس بقفش وكسبت المعركة بس بعدها كميه وجع قلب مش طبيعيه كميه ندم مش طبيعيه نكد overdose واتعلمت درس مهم اوي لو انت من محبي السعاده اقبل نفسك زي ما هي اقبل ان السعاده وراحه البال اهم عندك من اي حاجه تانيه وان اللي هتحصل عليه لو خسرتهم مش هيريحك كمل في طريقتك ومتقولش اصل انا لما بعمل كده في ناس بتستغلني تقدر توقف الاستغلال باي طريقه غير الخناق بالاعتذار عن الطلب بالهزار وتبسيط الموضوع بلفت النظر بالراحه لان وجع الاستغلال اهون ميه مره عندك من وجع الخناق متزعليش انك شخصيه مسالمه ومتعملش حاجه ضد مبادئك عشان هتتوجع اكتر خد حقك بطريقتك وفي المواضيع اللي فارقه معاك انت مش اللي الناس شايفه انها لازم تبقي فارقه معاك 
|
|
العرض الشجري