|
 |
 |
 |
|
رقم المشاركة : ( 1 )
26 - 01 - 2017, 04:34 PM
|
|||||||||||
|
|||||||||||
 فيلم اوقات فراغ رغم انه كان بطولة مطلقة لمجموعة شباب أول مرة يمثلوا، لكن شفت فيه واقعية مشوفتهاش في افلام كتيييير عملها عمالقة السينما المصرية و ده طبعاً مجرد رأي شخصي.. كل مرة بستني اللقطة دي بالذات في الفيلم... شاب قاعد في عربية مع صحابه و معاهم بنتين في العربية و الخلفية كلها ضحك و خلاعة و الشاب نزل عشان يشتريلهم خمرة و يرجع تاني... بيعدًي الشارع و بيقول لصحابه بصوت عالي يستنوه و يبطلوا طفاسة و فجأة تخبطه عربية و يقع في بركة دم و الخمرة مغرقاه... يبص لصحابه اللي جاتلهم حالة هلع من الموقف و يقولهم " انا خايف.....خايف اقابله "..... و يموت و عينه كلها رعب و فزع... المشهد ده لو مخلاش كل واحد بيتفرج يقف عند الجملة دي يبقي فينا حاجة غلط.... كام واحد فينا الدنيا لهياه.. كام شاب مقضيها شرب و زنا و علاقات مشبوهة علي أمل انه لسه صغير و لازم يجرب و يتدردح عشان صحابه يقولوا عليه واد جامد!!! كام واحد مننا اتعود مايصليش و يطنش!!! اتعود مايروحش خدمته !!! نسي ازاي بيقف قدام ربنا!!! آخر مرة اتناولت امتى كانت من سنين!!! كل ده عشان لسه بدري !! كام بنت مشيت في سكة غلط و دخلت في علاقات لو فكرت فيها لحظة هتندم عليها العمر كله... و هتندم عليها دنيا و آخرة.... كلنا صغيرين... كلنا شباب.... بس ممكن يكون ده الجوينت الأخير... ممكن دي تكون آخر قعدة تضرب فيها مخدرات.. ممكن العلاقة اللي انت عاملها مع البنت دي تكون هي اللي هتموت عليها عشان أجلك جالك و انت في وضع الزنا!!! ممكن ده يكون آخر مرة هتسكر فيها لان مفيش عمر باقي... ممكن تكون دي آخر مرة تتحرش بواحدة او تقولها الفاظ خارجة سواء برضاها او مش برضاها.... ممكن جدا كلنا نموت واحنا غلط بس ممكن جداً برضه نفًوق بعض و نفكر بعض بإن السكة دي غلط حتي لو الكل ماشي فيها... اعمل لآخرتك عشان ساعة القدر منبقاش خايفين نقابله...يبقي نفسنا نقابله... #SGD_SA 
|
|
| قد تكون مهتم بالمواضيع التالية ايضاً |
| الموضوع |
| الجدة والأم والأحفاد أول صور لأسرة كاملة من ضحايا حريق كنيسة إمبابة😥😥 |
| هل 😥 |
| لن تعيش وتشعر بمأساة غيرك حتى ترى نفسك مكانه 😥😥 |
| ليه كده😥 |
| اكتئاب😥 |
العرض الشجري