مين يدي البصيرة غيرك

[سامح جاد جرجس]

+ مين يدّي البصيره غيرك
وبيسند اللي خاب غيرك
ويطمن بالأمل غيرك
إنت ياسيد ومافيش غيرك

إنت ياإله كل الكون
ياللي بتأمر كون فايكون
عشان إحنا معاك كله يهون
إنت ياسيد ومافيش غيرك

+ في الضلمه مين يكون النور
والحزين مين يملي قلبه سرور
وتعوض اللي بات مكسور
إنت ياسيد ومافيش غيرك

+ وبتغمر بالحنان شعبك
بالحب اللي مصدره قلبك
ترعاهم هو ده وعدك
إنت ياسيد ومافيش غيرك