سفر الخروج أصحاح 17 بيحكى عن حرب كبيرة دارت بين شعب الله بقيادة موسى وبين عماليق ودي كانت المرة الأولى اللي بيدخل فيها الشعب نفسه في حرب علانية مع شعب تاني.
موسى طلب من يشوع انه يختار رجال تنفع تحارب ويخرجوا ويحاربوا عماليق، وانت هتكون فين يا موسى؟ موسى اختار انه يكون على راس التلة!! وعصاية الله في ايده، العصاية دي اللي شق بيها البحر زمان والشعب خارج من مصر، يشوع سمع الكلام واختار الناس ونزل علشان يحارب وموسى أخد هارون وحور وطلع على التلة.. ولما وقت الحرب طول ايدين موسى تقلت فأخد حجرة وقعد عليها وهارون وحور فضلوا ساندين ايديه وطول ما الحرب شغالة موسى فضل رافع ايديه والغريب بقى أن الكتاب المقدس بيقول انه لما موسى كان بينزل ايديه الشعب كان بيخسر ولما كان بيرفع إيده الشعب كان بيكسب ..
مع أن موسى كان ممكن يصلي لربنا ويطلب منه انه يموت عماليق وخلاص لكن هو عمل اللي عليه، عمل دوره كقائد حقيقي للشعب.
والرسالة ليك وليَّ النهاردة، مافيش حد هيعمل دور حد تاني، الله ادانا عقل نفكر بيه واراده حرة نختار بيها .. اعمل اللي عليك والباقي على ربنا ..
23 - 01 - 2017, 07:09 PM
العرض الشجري