| |
|
|
|
|
|
||||||
|
|
أدوات الموضوع | انواع عرض الموضوع |
|
#1
22 - 01 - 2017, 10:37 AM
|
||||
|
||||
|
حاجة لازم تعرفها لو عايز تبقى بجد العلوم و الكتب الجديدة كلها اجتمعت على ان التواصل "Communication" بيتبني على ٣ اساسيات؛ ١- الكلمات اللي بنستعملها او المحتوى (و ده طبعا مهم جدا) ٢- نبرة الصوت اللي بنقول بيها الكلام (و دي أهم و أقوى من الكلام نفسه) ٣- التعبيرات الجسمانية وقت الكلام او الحوار.. زي تعبيرات الوش و القعدة أو الوقفة أو الحركة.. و تحركات العيون و الايدين و الرجلين .. الخ (و دي أهم و أقوى بكتير من الاتنين اللي فاتوا) تمام لحد كده ؟ ... جميل .. بس لسه في حاجة ناقصة!! ساعات بنقابل ناس شاطرين أوي في كل الحاجات دي و متعلمينها و بيتمرنوا عليها و بيعملوها زي ما الكتاب بيقول، بس برضه مش ناجحين في علاقاتهم ولا واصلين كفاية لقلوب الناس ؟! .. عمرك فكرت ليه؟! الموضوع ده بقى انا كاتبه عشان اقولك نمرة "٤" ... اللي هي أهم من التلاتة بتوع الكلام و التون و الحركات و أهم من كل ما سبق .. و مع انها هي أهم سبب لتظبيط كل ده، لكن دايماً مش واخده حقها في الكتب و النصايح ولا في تفكيرنا! .. ٤- هي ببساطة؛ إيه "اللي جواك في الحقيقة".. يعني اللي جواك بجد.. يعني انت مين من جوه مش بس بتتكلم ازاي من بره! اللي جوانا أهم من كل المهارات اللي بنحاول نتعلمها و تأثيره أقوى بكتير في نجاح التواصل ما بينا و بين الحياة .. يعني من الآخر ظبط نفسك من جوه قبل ما تطبق مهارات تحافظ بيها على مظهرك و خلاص .. لو عايز حب الناس، حِبهم حقيقي من جواك لو عايز اهتمامهم، إهتم بيهم من جواك لو عايز الناس تثق فيك و تحترمك لازم انت توصل للثقة و إحترام النفس جواك لو عايز الدنيا تبقى أسهل سهلها على نفسك من جوه تلاقي ربنا سهلها عليك.. ابدأ_من_قلبك no_where_to_hide حقيقتك_بتتكلم_أحسن_منك سلم_نفسك_المكان_محاصر cpd 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| الصورة بتتكلم | Mary Naeem | قصص مسيحية متنوعة | 0 | 08 - 03 - 2023 06:46 PM |
| الصورة بتتكلم... | Mary Naeem | الصور العامة والمتنوعة | 2 | 09 - 10 - 2013 03:12 PM |
| بتتكلم عني | Mary Naeem | صور كاريكاتير | 0 | 02 - 08 - 2013 11:07 AM |
| انت بتتكلم جد | Mary Naeem | صور كاريكاتير | 0 | 08 - 07 - 2013 10:29 AM |
| مجموعة صور بتتكلم | شيرى2 | صور كاريكاتير | 0 | 04 - 09 - 2012 01:15 PM |
العرض الشجري