اجبرو بخاطرنا يجبر بخاطركوا ربنا ..

[Rena Jesus]

بنلاقي نفسنا بنقول لهم بينّا و بين نفسنا :-
"متجوش علينا اكتر من كده ، احنا بنحس على فكره
، آه بنداري و بنرسم ان احنا ولا بنحس ولا بنتأثر بس احنا ف الحقيقه بندبل و نتكسّر ..

ردودنا ناشفه معاكوا جايز بس بنحبكوا ..
تعابير وشّـنا قاسيه يمكن بس كدابة ..
بنضحك عشان نوهمكو ان زعلكو مش فارق معانا بس يعلم ربنا وحده باللي بنحس بيه ..

احنا اضعف مما تتخيلوه ..
لما بتيجوا علينا و نرد و ناخد حقنا بنستخبى ف اقرب مكان و نعيط
و اما صوتنا بيعلى عليكوا بنعاتب نفسنا 100 مره بعدها ..

و عشان مكسوفين نيجي نحضنكوا او مش قادرين فاكرين انكم مش فارقين ..
مع انكم لو فهمتونا كويس هتشوفوا فينا حب و حسرة ع الحال اللي وصلناله معاكوا ..

إلحقونا و الحقوا نفسكوا قبل ما الوقت يفوت و تموت كل الحاجات اللي ليكوا جوانا ..
اجبرو بخاطرنا يجبر بخاطركوا ربنا ..