اتعلم انك تعمل حاجات جديدة

[walaa farouk]

ودي قصة الراجل البسيط اللي كان شغال في البنك!!

راجل بسيط أوي كان كل شغلته انه (بيصور ورق) في بنك.. الولد ده كان بيعمل حاجة مختلفة ! كان بيقرا كل ورقة و يفهم إيه اللي فيها ولو مافهمش حاجة بيروح يسأل عليها، والأكتر من كده كان بيقعد 3 ساعات زيادة كل يوم يساعد الناس في شغلهم و يتعلم منهم إزاي الحاجة بتتعمل وفضل علي الوضع ده شهور كتيرة.

لحد ما يوم غاب واحد من الموظفين وكانوا محتاجين حد ضروري يشيل مكانه، ماكانش فيه غير الولد ده! على الأقل فاهم شوية في الشغل، فطلبوا منه يشتغل اليوم ده مكان الموظف وفعلاً الولد أثبت كفاءة عالية واتطورت على مدى الأيام، طبعاً لأن الولد كان عندة رؤية وهدف قدامه عايز يوصل له وفعلاً اتغير موقعه في البنك و بقي ياخد ضعف مرتبة كمان.

اتعلم إنك تعمل حاجات جديدة يمكن أول مرة تعملها أو حاجات ماتفهمش فيها أصلاً..
كل واحد فينا جواه مهارات ومواهب كتير ربنا حطها جوانا ومش بتطلع إلا لو انت قررت إنك تطلعها.

النسر وهو بيتعلم الطيران بيقع كتير أوي بس لو ماوقعش وحاول تاني ماكنش هايتعلم الطيران!