|
 |
 |
 |
|
رقم المشاركة : ( 1 )
15 - 01 - 2017, 09:50 PM
|
|||||||||||
|
|||||||||||
|
اسمع...........فكر.............رد كتير من المشاكل اللي بتحصل في حياتنا بتحصل اثناء الحوار مع الاخرين سؤال: هل الحوارات بتجيب مشاكل فنبطلها؟ الإجابة: لا طبعا طريقة الحوار هي اللي بتجيب مشاكل بمعنى ان أي حوار في الدنيا محتاج شوية حاجات لو موجودة غالبا الحوار ده بيكون ناجح لو محصلتش غالبا الحوار بينتهى بمشاكل يمكن جملة اسمع.......فكر...رد وهي من تأليفي على فكرة هي جملة بتلخص حاجات كتير في الحوار أولا اسمع يعنى اسمعله باهتمام يعنى متنشغلش عنه بحاجة يعنى اتأثر معاه لما يتكلم بمعنى لو مبسوط وهو بيحكي على الأقل شاركة بابتسامة زعلان وهو بيحكي مش لازم تعيطله بس حسسه أنك حاسس بزعله ولما تسمعه ركز في اهم حاجة ايه هي اهم حاجة اهم حاجة هو بيحكيلك ليه؟؟؟؟؟؟؟؟؟؟ يمكن من اكتر الحاجات اللى بتفرق بين الستات والرجالة هي موضوع هو او هي بيحكوا ليه؟؟؟؟؟؟ الستات لما بتتكلم بيكون الغرض الأساسي بتاعها هو الفضفضة يعنى عاوزة تحكي وخلاص لما بتحكي بتحس انها ارتاحت ولما بتحكي ممكن تعيد وتزيد في نفس الموضوع عشان كده كل الرجالة تقريبا شايفين كل الستات تقريبا ((((زنانة))) الرجالة لما بتحكي بتحكي عشان عندها مشكلة وعاوزلها حل مع اللى بيحكي معاه بس الرجالة قبل ما بتحكي بتحب تقعد لوحدها الأول وتفكر في الحل لوحدها يبقى الستات بتشوف ان جزء كبير من حل المشكلة انها تحكيها والرجالة بتشوف ان جزء كبير من حل المشكلة انها تقعد لوحدها تفكر عشان كده الموقف ده بيتكرر تقريبا في كل البيوت (((هو))) راجع مخنوق من الشغل او من الطريق او من مشكلة عائلية بينه وبين اهله او حتى مشكلة بينه وبين صاحبه (((هي))) مخنوقة من البيت او شغل البيت او خناقة بينها وبين مامتها او بينها وبين صاحبتها او فكرة ديكور عاوزة تعملها في البيت او فكرة طقت في دماغها ومستنياك ترجع عشان تحكيهالك لما (((هو))) بتحصله المشكلة بيحب الهدوء والعزلة عشان يعيد ترتيب دماغه وتفكيره ويراجع تصرفاته وردود افعاله و يراجع تصرفات الاخر معاه و ردود افعاله و بعد ما يقرر هو هيعمل ايه؟؟؟ يا اما هيعمله علطول يا اما هياخد رأى حد يقوله تفكيرك صح او تفكيرك غلط (((هي))) مستنياه اول لما يرجع عشان تحكي معاه طبعا هو اول لما يرجع وضارب بوز هي هتعمل حاجة من التلاتة الأول: اول لما تشوفه هتقوله خير مالك؟فيه ايه؟احكيلي فضفضلي شكلك متضايق هو هيرد عليها ويقولها معلش سيبينى لوحدي شوية هي مستحيل هتسكت دي بالعكس هتقوله خير ايه اللى حصل قلقتنى عليك طمنى عليك فيك ايه هو هيرجع تانى يطلب منها وباين عليه انه بدأ يصدع من زنها لو سمحتى سيبينى لوحدي شوية وانا هاقولك غالبا هي مش هتسكت وغالبا هو بعد المرة التالتة هيزعق ويطلب انها تسيبه لوحده شوية وطبعا طبعا هي هتزعل واحتمال كبير انها تعيط واحتمال هو يتنرفز على عياطها اكتر الموضوع كله كان في جملة واحدة مالك يا حبيبي تعبان اعملك حاجة لو قالها سيبينى لوحدي ترد عليه وتقوله حاضر انا برة في الصاله لو عوزت أي حاجة اندهلى وانا اجيلك بس كده خلص الموضوع مش أحسن من ان الجيران يجوا على صوت زعيقكم الطريقة الثانية: انها تعمل ما خدتش باله وتنفضله واللى هيحصل بعدها لما يروق هيحس انها مبتحسش بيه ولا بتاخد بالها منه ولا هيحكيلها ولا هياخد رأيها الطريقة التالتة: ودي لو واحدة شلق شويتين اول لما هتشوفه هتقوله خير.... مالك يا منيل.... عملت مصيبة ايه تانى كل يوم كده رجعلنا ببوزك ده غالبا غالبا الراجل ده مش هيرد عليها لانها بما انها وصلت الكلام معاه لكده يبقى هي متأكده انه مش هيرد عليها على فكرة احنا نسينا ان (((هي))) كمان مخنوقة وعاوز تفضفض طيب هي تعمل ايه دلوقتى انا معاكي ان انتى كمان مخنوقة وان من حقك انتى كمان أنك تحكي بس ممكن نصبر شوية لغاية ما هوة يهدى ويروق انه يسمعك واكيد لو صبرتى ساعة ولا ساعتين ولا حتى يومين غير ما تحكي أحسن ما تحصل خناقة ما بينكم ممكن الجيران يطلبولكم البوليس عشان وصلت الخناقة لرفع السلاح طيب فرضنا ان(((هو))) رايق وهي عاوزة تحكي يا ترى ايه أكبر مشكله هتواجهه أكبر مشكله هتواجهه انه طول النهار في الشغل ودوشة ورغي وحاجات من دي كتير هو ازاى يستحمل زن ورغى لمدة ساعة ولا ساعتين اقولك على حاجة مهمة اظن أنك تسمعها هي أحسن و لا هي تدور على واحدة صاحبتها تحكيلها و ساعتها فاتورة تليفون البيت هتبقى نار هتقولى مش فارق معايا فاتورة التليفون المهم انها تحل عن دماغى انا مش باحب الرغي هاقولك كده تقدر تطمن حضرتك أنك متجوز واحدة بشخصيتين شخصيتها اللى انت اتجوزتها عشانها وشخصية صاحبتها اللى بتحكيلها وخد بالك صاحبتها دي ربنا يكرمها هتقعد تطلع فيها العقد والنفسنة اللى هي مش عارف تطلعه على جوزها فهتبقى يا عيني تعبان اكتر واكتر فنصيحة منى استحمل ساعة ولا ساعتين وهي اكيد اكيد هتخلص قصتها اعتبرها مديرك في الشغل يا اخى وبيهري في اى كلام بس لو حاسس ان الوقت مش مناسب فعلا حاول تأجل المناقشة لوقت تانى ويا ريت ميكونش بعيد ونصيحة تانية مني سيبها تفضفض من غير ما تعلق على كل كلمة وكل موقف عاوز تعلق علق بتعاطف معاها مش بنصايح عشان تخلص هي كل اللى عاوزاه منك أنك تحسسها أنك حاسس بيها ودمتم وافتكر اسمع......فكر........رد cpd 
|
|
| قد تكون مهتم بالمواضيع التالية ايضاً |
| الموضوع |
| اسمع |
| لا تجعلنى اسمع باذن واحده بل اسمع باآذان الطهاره |
| اسمع منه |
| اسمع منه |
| اسمع يا ولد |
العرض الشجري