يسوع هو الحياة

[walaa farouk]

الناس اللي بتسوق بليل عارفين كويس الكلام اللي هقوله ده..

بيبقى احساسك ايه وانت ماشي لوحدك في طريق ضلمة وبعيد ومافيش غير نور خفيف يادوبك بس بينورلك السكة تشوف لمسافة قريبة قدامك، اوقات بتنبقى خايف وقلقان وخصوصًا لو انت مش عارف الطريق ده ولا مشيت فيه قبل كده وحتى لو عارفه بصراحة الدنيا مابقتش مضمونة الأيام دي! انا عن نفسي ببقى قلقان واوقات كتير ببقى خايف.. لكن لما بيبقى معايا حد في العربية مش عارف ليه الموضوع ده بيختلف رغم انه ممكن برضه مايكونش عارف الطريق زيي لكن بحس اني مطمن وهو معايا .. وفي الأخر برجع وأقول ده هو يادوبك مشوار .. وقعدت أفكر انه ازاي الواحد ممكن يفضل عايش بإحساس الخوف ده جواه كده عادي، الإحساس ده مرعب وصعب فعلاً ( خوف من المجهول - خوف من المرض والأصعب بقى خوف من الموت!!) بعد ما أموت هيحصل ايه!!..

يسوع المسيح هو الوحيد اللي ضمن لنا الحكاية دي وجاوب على السؤال ده بكل وضوح وماسبناش لخوفنا ده .. وقال" كل من أمن بي ولو مات فسيحيا " يسوع هو الحياة الابدية، يسوع هو الحياة ..