كل ده عملته بنت

[walaa farouk]

كلنا عارفين قصة داود الي غلب بإيمانه جليات الجبار
لكن مطلعش داود لوحده الي غلب دا في بنت جميلة عملت كده
يهوديت _ بنت غلبت بإيمانها جيوش
يهوديت بنت من العبرانين من بني اسرائيل ارملة كانت تقيه وجميلة
في يوم امر ملك الآشوريين انه لازم يسيطر علي بلاد شعب الله ذي ما سيطر علي باقي البلاد لأنه كان عايز يملك علي المسكونة ويبقي هو الإله الوحيد
لكن علي مين
بدأت القصة و اتفق نبوخذ نصر ملك الآشوريين مع قائد جيشه اليفانا انه يهجم علي شعب اسرائيل وبعد مشورة القواد كانت خطتهم انهم يسيطروا علي آبار الميه فيموت الشعب من العطش من غير قتال او هيسلموا نفسهم للعبوديه ويخضعوا للملك
لكن علي مين
دا شعب الله
شعب الله الي كان مشهود له عند كل الامم بإيمانه ووقوف ربه جنبه.
لدرجة أن في واحد من الآشوريين قال لاليفانا
(الان يا سيدي انظر فإن كان لأولئك الشعب إثم امام الههم فلنصعد إليهم لان الههم يسلمهم اليك ويستعبدون تحت نير سلطانك .
وان لم يكن لأولئك الشعب إثم امام الههم فلا طاقة لنا بهم لان الههم يدافع عنهم فيكون عاراً علي جميع وجه الارض
الي قال دا احيور
وقاله لأنه كان عارف ان الرب الي مسابش شعبه يهلك في مصر ويستعبد لفرعون
والي ربنا شق له في البحر طريق وعداهم من قدام فرعون
والي مسابهمش في برية سينا يموتوا من العطش فحولهم الميه المره لميه للشرب والي بعتلهم من السما اكل
والي كان بيدافع عنهم دايما مدام كانوا معاه ومش بيسبوه
لكن لمجرد بعدهم عنه كان بيسلمهم للأسر والعبودية
ولمجرد رجوعهم نصرهم
لا يمكن يسبهم يهلكوا من الآشوريين اذا كانوا مش سايبينه.

لكن كان شعب اسرائيل تعب من العطش وكانوا خلاص هيسلموا نفسهم وعزيا رئيسهم حدد خمس ايام لو مجاتش ليهم معونه من ربنا هيسلموا نفسهم
لكن تظهر يهوديت الي اول لما سمعت
قالت لشعب الله (من انتم حتي تجربوا الرب.........فإنكم قد ضربتم اجلاً لرحمة الرب وعينتم له يوماً كما شئتم )
بدأت خطة يهوديت لانقاذ شعبها بالصلاة وقالت( هبني ثباتاً في قلبي حتي ازدريه وقوة حتي اهلكة)
وبدأت تنفذ الخطة
وراحت لأليفايا وهو نايم وصلت وقالت (ايدني ايها الرب اله اسرائيل وانظر في هذه الساعة الي عمل يدي حتي تنهض اورشليم مدينتك كما وعدت وانا اتم ما عزمت عليه واثقة بأني اقدر عليه بمعونتك.
وقتلت يهوديت اليفايا وانقذت الشعب
وآمن احيور
كل دا عملته بنت