|
 |
 |
 |
|
رقم المشاركة : ( 1 )
13 - 01 - 2017, 02:43 PM
|
|||||||||||
|
|||||||||||
|
حاجات حلوة ... _ فنجان قهوة على بحر اسكندرية الفجر .. أو بالليل متأخر .. على صوت فيروز .. _ اسكندرية نفسها عشق ... _ غفوة بعد يوم طويل في حضن حد بتحبه ... _ صاحب جدع بيعرف يسمعك من غير ميقاطعك و لا يتكلم عن نفسه و لا يقلك (مش قلتلك) ... _ النوم تحت البطانية مدفي في الشتا قدام التلفزيون و في ايدك حاجة سخنة ... _ أنك تبص على حد كنت فاكر أنه كل حاجة بالنسبالك و متحسش ناحيته بأي حاجة .. لا كره .. و لا حب .. و لا أي حاجة ... و تبقى حر ❤ _ لحظة سكون عقلك يقف فيها و متفكرش في أي حاجة ... كأنك بتلمس روحك بايدك ... _ تقابل حد بتحبه صدفة ... _ أول مرتب ليك ... من تعبك ... _ لما تلف فجأة و تلاقي حد عجبك بيبصلك ... _ لما يوصلك خبر مش تمام على اللي أذاك و ظلمك ... ( أه .. أنت مش ملاك ) _ لما تحط ايدك في جيبك و تلاقي فلوس كنت ناسيها ... _ دموع أهلك على نجاحك ... عظيمة❤ _ لما تعدي بالصدفة و تسمع حد بيشكر فيك ... _ طريق السفر بالليل و هوا فاضي ... _ حد بتعرف تقعد معاه ساعات طويلة من غير ماتتكلم و لا تفتعل حديث و محدش فيكوا زهقان .... _ أول لبسة لبنطلون جينز شكله حلو عليك ... _ لما تعيط طول الليل و تصحى تلاقي نفسك رايق و مرتاح البال ... (العياط بيطهر الروح) _ لما تقول لحد سبني لوحدي ... و تلاقيه متبت فيك و رافض يسيبك ... _ لما تلاقي حد فطسان على روحه بسببك .... لما حد يقلك دمك خفيف ... _ لما تتأكد أن وجودك فارق ... و أنك شخص مميز مش كمالة عدد ... _ معرفة جديدة مختلفة باسطاك و بتوحشك ... ❤ حاجات كتير أوي ... ركز مع الحلو ... و اعمل نفسك مش شايف الوحش .... كله بيتعوض ... إلا الصحة ...و الأهل ... 
|
|
| قد تكون مهتم بالمواضيع التالية ايضاً |
| الموضوع |
| حاجات حلوة كتير حصلت والابواب مقفلة |
| لسة فيه حاجات حلوة كتير مستنيانا❤ |
| الحياة لسه فيها حاجات كثير حلوة |
| اعملوا حاجات حلوة تفرح اللى حواليكم |
| شايلى حاجات حلوة |
العرض الشجري