عشان الأسعار نار.. 5 نصائح هتنفعك لو ناوى تشترى من وكالة البلح
إذا كنت من"الوافدين الجدد" على وكالة البلح هناك عدة نصائح يجب أن تتبعها كى تخرج بصفقة ملابس جيدة من هناك يأتى على رأسها أن تختار التوقيت المناسب، فيقول"إبراهيم" أحد الباعة بالوكالة"لو عايز تاخد حاجة كويسة لازم تيجى فى أول الموسم، لأن الناس بتخطف الحاجة الحلوة بسرعة، لو عايز الشتوى مثلاً تروح فى نص عشرة وأول حداشر، لو رحت بعد كده هتلاقى بواقى الهدوم".
أما النصيحة الثانية فهى أن تتجاهل تمامًا اللافتات التى تؤكد أنه"ممنوع الفصال" فكما يقول"الحاج أحمد":"أنا عارف إن الزبون هيفاصل هيفاصل، فبرفع السعر عشان لما ينزله ما ابقاش خسران".
أما النصيحة الثالثة فهى ألا تنخدع بالأسعار الرخيصة جدًا فيقول الحاج أحمد:"الرخيص تعبان، لو عايز تشترى حاجة كويسة اشترى من المستورد أو عيوب التصدير بلاش المستعمل إلا إذا كان استعمال خارج نضيف".
الجاكيت والبنطلون الصوف.. أفضل القطع بالوكالة فى هذا السوق الممتد لعشرات الأمتار، والذى يحتوى الآلاف من قطع الملابس والأحذية وحتى الأحزمة هناك بعض القطع "الذهبية" التى يمكن أن تشتريها منه وتكون بذلك عقدت صفقة جيدة وفى الغالب ستكون الجودة فى صالحك، وهذه القطع يقول عنها" الحاج عماد" الذى يعمل فى الوكالة من 15 عامًا :" الجواكيت طبعًا أحسن حاجة فى الوكالة، عشان بتيجى مستوردة من برة والأسعار بتبقى كويسة، وحتى لو مستعملة ما بيبانش عليها وبيبقى تمنها فيها.
يضيف: وفى كمان البناطيل الصوف المستوردة، بتيجى تقيلة وخامة حلوة جدًا وما بيبانش عليها، وبتتخطف خطف لما نجيبها".
أما" الحاج أحمد" فيقول" الجواكيت طبعًا، والبناطيل، خاصة لو واحد كبير فى السن زى حالاتى مش شاب يعنى وهتفرق معاه الموضة، وملابس الأطفال كمان لقطة فى الوكالة.
الأسعار هنا كويسة جدًا وفى بواقى تصدير كتير، وعيوب تصنيع خفيفة، وأسعار لبس الأطفال برة فى وسط البلد والمولات نار، والعيل ما بيفرقش معاه موضة ولا مش موضة".
13 - 01 - 2017, 01:10 PM
قد تكون مهتم بالمواضيع التالية ايضاً
العرض الشجري