كفاية بقى تمثيل

[walaa farouk]

فجأة حسيت إني ماليش عنوان ولا شخصيه ,أنا حتى مش عارفة أنا عايزة ايه. حياتي مبقيتش بتعتي .. أنا مجرد خروف ماشي ورا خرفان كتير فهموني ان ده الطريق والحياه مع الله. لا أنا حاسه بيه فحياتي ولا فاهمة أنا بعمل إيه فكنيسته. حياتي فالكنيسه تتلخص إني مشتركة في انشاطه اجتماعيه وتنميه مهرات وتفريغ لموهبتي,أما بالنسبة لاهلي الكنيسة أأمن من النادي.

لحد م وصل سني 28 سنة, وبقيت شيفه التمثيل اللي أنا كنت بعيشوا مع ربنا.

بقنع نفسي إني بحبه وانا من جوايا معرفوش, لبـقيت عايزة أصْلي ولا اقعد معاه ولا حتى مع نفسي, أصْلي بهرب من المواجهة عشان ببساطة لو قعد مع نفسي هلقيني بقيت مش مسيحية طبقا للمعاير اللي اتربيت عالية فالكنيسة. لا عايزة اخدم ولا ارانم ولا حتى اقابل اصدقائي تاني جوه الصوار الكنيسة .

بقى بيني وبين الله حاجز طويل, لاعايزة التقابل معاه ولا اكلمه, عشان ببساطة مش عايزة أكَمل التمثيليه اللي كنت بمثلها عليه وعلى نفسي.

كنت بخدم واقف فلجنات النظام لسعات طويله فاوقات الصلاه مش عشان حبي للخدمة وبس ,لا عشان كنت بمل من كتر الصلوات اللي مش حاسة بيها, ولو محضرتش الكل يأننبوني و يبكتوني وكأني وقعت فالرذيلة.

وكنت بحب اعزف و ارانم بجد, بس التحول الموضوع لطريقه اثبت فيها ذاتي وكسب الحب, الاعجاب و اشتهر فالكنيسه, يدوني مكانه كبيرة وسطيهم, يسألوا عاليا, ويزيد عليا الطلب فجتمعات التسبيح. واحاول مفوتش أي فقرة تسبيح مش عشان كنت بحب التسبيح وبحس بحضور الله , بس عشان محدش ياخد مكاني فلتسبيح .... لو لقوا حد بيعزف أحسن مني يركنوني على جمب. وبدل مكنت بتقابل مع الله عن طريق تسبيحي ليه ببساطة , بقيت عايشة فصراع, أوبتسابق فبرنامج اكتشاف مواهب ولو مكسبتيش غيري هياخد مكاني .... كفاية تمثيل بقي

فمشناوية امسك بألتي و ارنم تاني وانا مش حاسه إني بكلمه هو مش بجري ورا الأضواء, ولا هقرا انجيله غير لما احس إني محتاجة اسمعه هو ومش عشان ده اللي المفروض عليا اعمله عشان اعجبه. مش حصلي عشان اخليه يرضي عني وينفذلي طلباتي, زي معلموني ان كتر الالحاح علي الله بيجيب نتيجة.

قررت ابطل تمثيل , يا يقبلني زي ما أنا .. يا كل واحد من طريق

بس منتظرة اللحظة اللي بجد احس بيه جوايا, اللي احس فيها إنه صاحبي مش محتاجة استخدم اسلوب ولا طريقة معينة عشان التقابل معاه أو لازم انال اعجابه زي ماكنت بعمل مع الناس.

مش عارفاه أعمل إيه, هل ممكن هوه اللي يتحرك من مكانه ويجيلي؟ , ممكن الخطوة الاولي فالعلاقة دي هو اللي يقوم بيها ؟, ممكن هو اللي يجي ويدور عليا, ولا لازم أنا اللي ابتدي زي معلموني؟ لو هو هيستناني اجيله,يبقي عليه العوض