|
 |
 |
 |
|
رقم المشاركة : ( 1 )
15 - 12 - 2016, 02:42 PM
|
|||||||||||
|
|||||||||||
|
النهاردة ميس تريز جت المدرسة، بعد بهدلة اليومين اللي فاتوا فى المستشفي من الأنفجار اللي حصل. ميس تريز كانت قاعدة في نص الكنيسة، قاعد قدامها فيبرونيا و مارينا الله يرحمهم ومن وراها كذا واحدة تانية ! كل اللي حوليها راحوا السما ما عدا هي ! طلعت بخربووش في وشها ! دخلتلنا الفصل ، كانت هادية غير العادة ، أول مرة نشوفها كدة ! ربنا بعتلنا معاها رسالة ، أننا لازم نحب بعض و نسامح بعض علشان ربنا متضايق اوي من اللي بيحصل بينا ، و انه عارفنا واحد واحد و واحدة واحدة بالأسم و عايزنا كلنا معاه ! قالتلنا انه بيحبنا اوي ! سكتت شوية و قالت انها بتحبنا و سابت الفصل ومشيت.. نزلت وراها انا و واحدة صاحبتي ، نادينا عليها و بصت عليا وخدتني في حضنها ، أول مره تعمل كدة ، طوول عمرنا بنخاف منها ، أول مرة احس انها طيبة وجميلة كدة! قعدنا معاها علشان تحكيلنا ايه اللي حصل.. كل اللي قالته كان ''الحمدلله علي كل حاجة''.. دمعت و سكتت شوية و قالت:_ ''أنا مش عارفة انا مت ولا كنت في غيبوبة ، بس أنا سمعت العدرا و مارجرس بينادوا عالعرايس علشان يروحوا لأبوهم... مش كل الكلام ينفع يتقال ياحبايبي ، بس أنا عشت وربنا نجاني علشانكوا و علشان أوصلكوا رسالة ربنا....'' كل كلمه كانت طالعة من قلبها ، و كان في كلام كتير أوي باين فعينها بس مطلعش.. قالتلنا ان أول ما الأنفجار حصل وراها ، محستش بأي حاجة ، فاقت ولقت كل الناس حوليها متفرتكين و دورت علي فيبي و مارينا لاقتهم واقعين علي وشهم حوليهم دم كتيير أوي.. كلنا استغربنا ان هي ازاي عايشة ! كل دة حصل علشان ربنا عايز يوصلنا حاجة عن طريقها ! حبوا بعض ياجماعة ، و اللي متضايق من حد يسامحه و يروح يصالحة ! صلوا للناس اللي أهاليها راحت و اطلبوا من ربنا يعزيهم.. قربوا من ربنا و أطلبوا منه يسامحكوا و يرحمكوا ، أطلبوا منه يديكوا المقدرة فأنكوا تحبوا أعدائكوا و تسمحوهم ! صلوا كتير لميس تريز علشان ودانها اتخرمت من تأثير الأنفجار.، و حالتها النفسية علشان اللي شافته مكنش قليل. cpd 
|
|
| قد تكون مهتم بالمواضيع التالية ايضاً |
| الموضوع |
| شكراً لقلبك الحلو يارب اللي بعتلنا ناس شبهك |
| زوّادة اليوم: فكروا بغيركون وما تعتلوا هم حالكون |
| عيوب لكن معاها جمال |
| معاها تفاصيلي الي حفظتها |
| دكتور البرادعى: هو بديع بعتلنا فان دام ولا أيه |
العرض الشجري