|
 |
 |
 |
|
رقم المشاركة : ( 1 )
12 - 12 - 2016, 03:41 PM
|
|||||||||||
|
|||||||||||
|
من الحاجات المهمة جدا واللي بتحدد مدى قوة التفاهم بين ال couple مع بعض.. ومدى إحتمالية نجاح العلاقة بينهم .. هي قدرتهم على استخدام ما يسمى بال repair attempts وقت المشاكل! فكرة الrepair attempts هي نفس فكرة فرامل العربية... وانت سايق بسرعة او حاسس إنك بتفقد السيطرة .. على قد ما انت شاطر في التقليل السرعة والفرملة بالشكل المناسب على قد ما احتمالية انها تعدي على خير هتكون اكبر... العلاقات اللي بيسموها emotionally intelligent هي اللي الاتنين فيها بيقدروا يستخدموا و كمان يستقبلوا ال repair attempts المناسبة وقت الخناق عشان الخناقة تهدى وماتكبرش اكتر من اللازم... ومحاولات التهدئة دي ممكن تكون بالكلام الحلو المباشر "انا بحبك - انا اسف - انا فعلا غلطان - انا مقدرش على زعلك - ممكن حضن وهكذا.." وممكن تكون باستخدام العقل والمنطق "خلينا نحاول نوصل لحل وسط - ازاي اقدر أصلح الموقف - أنا فهمت قصدك - وهكذا.." وممكن تكون بالتعبير بصدق عن المشاعر "أنا فعلا حزينة - انا مش حاسس انك جنبي - ممكن تقولي انك بتحبني - انا حاسس اني مضغوط - انا محتاجك تسمعيني - انا محتاج اخد بريك وهكذا.." كل دي مجرد أمثلة ممكن تبان سهلة بالكلام! لكن مدى استعداد الطرفين ومهارتهم فإنهم يستخدموها للتهدئة فعلا وقت سخونة الخناقة او يستقبلوها ويهدوا بيها فعلا مش بتتحدد فقط على حسب هما بيحبوا بعض ولا لا... لأن في ناس بتحب بعض جدا بس اي مشكلة تافهة بينهم بتكبر بسرعة! فالأهم من الحب في اللقطة دي هي قد ايه الاتنين أصلا صحاب.. عارفين بعض كويس وفاهمين انا لو قلت ايه التاني هيهدى.. أو افهم التاني ازاي مشاعري بحيث يقولي كلام يهديني! انت ممكن تكون بتحب عربيتك جداااا بس مش فاهم اما الفرامل تسيب أشد الهاند بريك ولا أمور الفيتيس ولا أشيل المفتاح! الحب والصداقة والإحترام هما اساس العلاقات الناجحة! 
|
|
| قد تكون مهتم بالمواضيع التالية ايضاً |
| الموضوع |
| هي الفرامل راحت فين |
| حلال المشاكل 😍 وصانع المشاكل 😞 |
| زوادة اليوم : الفرامل |
| The country is against all kinds of coup attempts , Putin to Erdogan |
| تيل الفرامل |
العرض الشجري