|
 |
 |
 |
|
رقم المشاركة : ( 1 )
12 - 12 - 2016, 01:51 PM
|
|||||||||||
|
|||||||||||
|
البديل الطبيعى للبنت ال ....!! طبعا انا قاصد اكتب عنوان الموضوع بالشكل ده علشان يجذب حضرات السادة العزاب انهم يقروه طيب ندخل فى الموضوع حاجة من الحاجات اللى اخدت بالى منها الوقت اللى فات لما الناس بتتكلم عن الارتباط واصبح ان اغلب الولاد بتدور على بنت مؤمنة و نفس الحال لما البنت بتدور على ولد مؤمن فا فى الوقت اللى احنا فيه ده مش سهل نلاقى الصنفين دول حضرتك.. عاملين زى الادوية الناقصة فى السوق.. مش متوفرين كفاية فى حياتنا اليومية فا عايز ألفت نظركم لحاجة بدات تحصل بقالها وقت .. هى البديل لما تروح اى صيدلية تدور على دوا معين فا الدوا ناقص فا الصيدلى يقولك اديلك البديل بتاعة.. البديل ده بيكون عبارة عن نفس المادة الفعالة بتاعة الدوا اللى انت عايزة بس انتاج شركة تانية بتصنعه بأسم تجاري تانى و فارق مش كبير او كبير فى السعر البنت تيجى تدور على ولد مؤمن..ابن ربنا... متلاقيش الولد ييجى يدور على بنت مؤمنة...بنت ربنا... مفيش سعادتك فا الاختيار هنا للولد و البنت هى انهم اكيد مش هيختارو ناس وحشين بقى لكن يلجأوا الى البديل الطبيعى للولد المؤمن و البنت المؤمنة ايه بقى البديل الطبيعى ؟؟ البنت المؤدبة او الولد المؤدب اصبح هو البديل الطبيعى للإرتباط الوقت ده!!! ما هو لما الولد او البنت مش بيلاقى الشخص المؤمن.. بيفضل منتظر منتظر لما بيزهق و فيه بعضهم مش بينتظر.. لكن البديل المتوفر فى السوق هو الارتباط ببنت مؤدبة بنت ناس او الارتباط بولد ابن ناس ومتربي ومؤدب واخلاق.. الاتنين اجتماعيا وادبيا..محترمين لكن مش بالضرورة يكونوا بتوع ربنا!! دى الكارثة اللى الناس بتقع فيها... لو ملقيتش المؤمن.. خد المؤدب يعنى لو ملقتش أبن ربنا ... خد أبن الناس المؤمنين الحقيقيين هيدخلوا السما و ده وعد ربنا.. والخطاة هيدخلوا الجحيم و ده كلمة ربنا طيب المؤدبين المحترمين هيدخلوا فين بقى؟؟؟؟ طبعا بلا شك ان الادب و الاحترام والتربية والاخلاق دى فضائل جميلة وسمات ممتازة فى الشخص اللى هترتبط بيه لكن للأسف بدون ايمان ودم المسيح.. فا الطقم ده كلة رايح على جهنم لو مقبلش ربنا فى حياتة البديل الطبيعى للشخص المؤمن.. هو ( لا يوجد بديل ) زيرووووو ...مفيش مفيش بدايل للكائن الروحى اللى اسمة مؤمن...مفيش .. لا يستبدل بأي شيئ تانى ان لم يوجد... لا ترتبط.. عايز تغامر.. غامر... اتفضل..هتعيش زى الفل مع شخصية محترمة وبنت ناس وابن ناس زى الفل وهيحبك ويشيلك فى عنية تمام التمام... لكن هو شخص بدون ابدية و بدون نهاية سعيدة .... اظن انا واضح و كلامى وصل لكل العزاب بس كدة... cpd 
|
|
| قد تكون مهتم بالمواضيع التالية ايضاً |
| الموضوع |
| ممتنة ليك يا يسوع |
| الكريز البديل الطبيعى لعقار المنوم |
| لت | ملتوت |
| البديل تضبط "الفجر" متلبسة بسرقة المواد الخدمية والإخبارية حتى رسالة من موقع البديل إلى بوابة الفجر |
| فساتين للبنت |
العرض الشجري