صدمتي الكبيرة .. !!

[walaa farouk]

“ماكنتش أعرف إن بنت عمي معايا في نفس الكلية وكمان نفس دفعتي إلا لما قعدنا سوا في سكشن مُجمع لكل الطلبة.. وقتها بس عرفتها أصل عمرى ما شوفتها”

الكلام ده قالتهولي بنت كانت بتتكلم معايا في مجموعة المشورة، أصل الحكاية من أولها .. باباها وعمها متخانقين من زمان، من وهي صغيرة .. فالبنات كبروا من غير ما يعرفوا بعض أصلا !! واتفجئوا بصلة القرابة دي في الجامعة!!

والموققف ده بيخلينا نقف كده قدام سؤال مهم : مين أهم المشكلة وكرامتى ولا الناس؟ الفلوس والورث ولا القرايب والصحاب؟ انا أعرف ناس كتير خسرت بعض بسبب الفلوس وفي الأخر بيكتشفوا انهم لوحدهم مافيش معاهم أي حد .. وبيبقى صعب أوي اللي أتكسر يتصلح !!

ابراهيم نفسه بعد كل اللي عمله لوط معاه، قال ان لوط عنده اهم من كل الاغنام والميراث اللي كان عنده، فحين أن اخوات يوسف اختاروا كرامتهم على حساب اخوهم وقرروا يضحوا بيه!!

مين حصل معاه قبل كده أنه قعد فترة كبيرة مخاصم حد قريب منه؟ طب ودلوقتي؟!