|
 |
 |
 |
|
رقم المشاركة : ( 1 )
07 - 12 - 2016, 08:19 PM
|
|||||||||||
|
|||||||||||
|
فيه مشهد كده في فيلم (واحد صحيح) بنشوف فيه (مريم) ليلة فرحها على (عبدالله) الراجل اللي بتحبه بقالها سنين وخلاص فرحهم بعد دقايق بتتطلب من كل الناس يسيبوها لوحدها في الأوضة وبتقف قدام المرايا وبتبص لنفسها بعيون كلها خوف وبتقول، "أنا مقبوضة ليه؟؟" (مريم) من غير ماتعرف ان (عبدالله) بيحب واحدة تانية او انه مابيحبهاش زي ما هي بتحبه حست جوه قلبها إنها مقبوضة.. من غير سبب مقبوضة، مع إنه طلب يتجوزها لكن هي مقبوضة ومستغربة لدرجة انها بتسأل نفسها "مش انتي خلاص هتتجوزي الراجل اللي انتي بتحبيه.. مالك؟" المشهد اللي بعده طبعا بنشوف عبدالله وهو بيقرر يسيب مريم في الفرح ويهرب لإنه عارف أكتر منها إنه مابيحبهاش. إحساس مريم كان صح، ١٠٠ في ال١٠٠ صح لكن ماكانش عندها الشجاعة تقول إنها مقبوضة ، ماكانتش هتقدر تواجه أسئلة الناس واللي حواليها لما يسألوا سيبتيه ليه. نفس السيناريو بالضبط بيحصل لنا كل يوم وكل ساعة، حاجات شكلها متيَسَّر وماشية زي الفل لكن "مقبوضين". بنسكت الصوت اللي جوانا لما بيدي إشارة إنه "لأ" فيه حاجة غلط.. بنرخم ونطلب منطق للأمور، بنطلب سبب مع إن البشر كائنات غير منطقية ميِّزها ربنا بالعقل والقلب مع بعض.. الجماعة الأمريكان عندهم مقولة مشهورة بتقول، "If it doesn't feel right, it probably isn't " صدقوا أحاسيسكم الغير ممنطقة قبل عقولكم.. الجوازة اللي مش مبسوط بيها مليون في المية ومقبوض إوعى تتممها، الشغلانة اللي مخلياك تسأل نفسك كل يوم "أنا بشتغلها ليه؟" سيبها فوراً وشوف غيرها، الصداقات والزمالة والجيرة اللي مسببالك إزعاج وضيقة بناقص منها.. صدَّق الصوت اللي جوه لما بيقول إن فيه حاجة مش صح، صدقه ماتتجاهلوش.. ماتدورش على سبب، "مقبوض" دي لوحدها سبب وسبب كافي جداً إنك تمشي.. صدقوا قلوبكم لما تكون مقبوضة.. واحد صحيح ❤ 
|
|
العرض الشجري