موجوعة بس بطلت احكى!!!

[walaa farouk]

سكوت البنت مجرد انذار بيهدد علاقتك بيها،معروف عن البنت انها بتتكلم كتير مع الشخص اللي بتحبه وسيكلوجيآ البنت تقدر تحتفظ بحبها ليك عمر كله لكن مبتقدرش تحتفظ بعتابها ليك لمدة طويلة،وسائل التعبير عن الغضب عند البنت بيتلخص في البكاء او الثورة عمومآ لكن مع الشخص اللي بتحبه بتكون الوسيلة الوحيدة للتعبير هي المعاتبة،العتاب عند البنت شئ بيحصل غصب عنها حتي لو العتاب علي حاجات بسيطة متستحقش العتاب لكن في النهاية التعبير عن اللي جواها دا افضل للعلاقة،الكارثة لما تبطل تعاتبتك لان في المرحلة دي هي بتستخدم طريقتين نتيجتهم واحدة وهي انها"هتبطل تحبك"..البنت لما بتعيط لوحدها بسبب موقف او مشكلة وترفض انها تكلمك عنها غصب عنها بيتكون جواها افكار كتير واغلبها ممكن يكون مش صح،ومع استمرار المشاكل واستمرار سكوتها دا بتبدء تاخد قرار انها متعيطش ومتحكيش وغصب عنها بيتولد جواها مشاعر عدوانية للراجل وبتبقي نهاية العلاقة مسألة وقت مش اكتر،اما الطريق التاني اللي هو متعيطش وتفضل بتتعامل معاك عادي فا دا بيخلق جواها اللامبالاة من الراجل وبتتعامل مع حبيبها علي اساس انه مش موجود اصلآ مهما يعمل مبتشغلش بالها ولا بتهتم ومع سكوتها دا بتتحول تدريجيآ لانسانة باردة فوق الوصف وبتنتقم غصب عنها بالاهمال دا وطبعآ علاقة مفيش فيها تبادل مشاعر او اهتمام حتمآ هتنتهي مع الوقت لان مفيش راجل هيتحمل انه يستمر مع انسانة اتحولت لقطعة من التلج،صحيح في مواقف متستحقش انها تثور او تغضب لكن طول ما هي بتتكلم وتحكي عنها يبقي هي متمسكة بالشخص دا وهنا بيكون دور الراجل انه يفهمها ويحاول ميستهيفش عتابها دا ويوضح لها الامور حتي لو الموضوع بسيط لكن دا افضل من انها تخبي،لان سكوتها ممكن يكبر المشكلة جواها وتأثر علي العلاقة عمومآ،خلينا نقول كدة بالبلدي ان التعبير عن غضب من البنت دا شئ بيحصل غصب عنها ودليل علي الحب بطريقة او بأخري،لكن انها تبطل تعاتبك او تحكيلك او تسألك يبقي نهاية العلاقة مسألة وقت مش اكتر