|
 |
 |
 |
|
رقم المشاركة : ( 1 )
05 - 12 - 2016, 03:52 PM
|
|||||||||||
|
|||||||||||
|
ايه ياحبيبتي هنفرح بيكي امتي مفيش عريس ؟؟!! ايه ياحبيبتي هو مفيش حاجة جاية في السكة؟؟!! ايه ياحبيبتي مش هتخاوي ابنك ،، هتسيبيه وحده كده ؟؟!! ايه ياحبيبتي مش هتخاوي ابنك وبنتك ،، هتسيبيهم من غير ونس ؟؟!! ايه ياحبيبتي لسه مجبتلهمش لبس العيد ؟؟!! ،،،، ايه ياحبيبي ملقيتش شغل لسه ؟؟!! ايه ياحبيبي لسه مخطبتش ؟؟!! ايه ياحبيبي لسه متجوزتش ؟؟!! ايه ياحبيبي لسه مأكلتش ،، مشربتش ؟؟!! ايه ياحبيبي لسه مغسلتش الكوباية اللي شربت فيها امبارح؟؟!! ده كائن اسمه (( الطنط )) منتشر في مجتمعنا بيتغذي علي الاخبار الجديدة كائن غروي لزج معندهوش اي حاجة في حياته مفيده يعملها غير أنه يتطفل علي الناس المشكلة ان الناس دي كفيلة تقفل اليوم وتكدر البني آدم اللي قصادها وهى مش مدركة،،، اللي اتضح بقي ان الناس دي مش بتاخد بالها من نفسها و٨٠% منهم بيتسلوا بالاخبار دي زي صفحة الحوادث في الاخبار اليوم او خناقه حامية الساعة ٨ الصبح بين ٢ واقفين في المخبز علي دورهم في الطابور ارجوك متدهمش ودانك ،، متسمعش ليهم ،، ويفضل متتناقش معاهم من الأساس بس نصيحة .. اول ماتشوف كائن " الطنط " ده تبقي مجهز معاك كيس لب ،، اول ماتشوفها ،، قولها ياطنط لقيتلك اللي هيسليكي اكتر من حياتي الشخصية ،، ويفضل يبقي معاك كيس فول سوداني بالشيكولاته ،، هيحبوك اوى ،، وهينسوا انت مين اصلا ايه_ياحبيبتي بس_ياطنط_بس 
|
|
العرض الشجري