|
 |
 |
 |
|
رقم المشاركة : ( 1 )
02 - 12 - 2016, 07:00 PM
|
|||||||||||
|
|||||||||||
|
قطة!! كنت سايق عربيتى وماشى فى شارع زحمة اووى و واقفين كلنا ولقيت العربية الى قدام قدامي.. شاب نزل منها و بدء يبص تحت عربيتة و انا مش فاهم فيه ايه!! فا لقيت طلع قطة بيضا حجمها متوسط من تحت عربيتة و رجعها حطها على الرصيف علشان هى نزلت الشارع علشان تعدى الجمب التانى بغبائها و مش عارفة ان ده خطر.. المهم حطها فوق الرصيف و اتحرك بالعربية و بدء الطريق يفتح شوية و انا باصص على نفس المكان اللى الشاب حط القطة فيه على الرصيف..ملقيتهاش!! فين القطة؟؟ مش عارف هديت بالعربية اوى فا لقيت القطة رجعت للشارع تانى و بتعدى وسط العربيات!!! قلبى اتخلع لما لقيتها فى نص الطريق و عربية داست عليها!! القطة قامت بعد دوسة العربية عليها و فضلت تنونو كتير و جسمها شكلة متكسر من جوة وماشية معووج و بدأت تجري بشكل عشوائي وسط العربيات وانا حزنت اوى وكملت طريقى فى قسوة الحياة و انت مش عارف تتحرك تروح فين او تيجى منين.. هتلاقى ربنا بيبعتلك ناس تساعدك...تساعدك انك تقولك تمشى ازاى.. لكن فيه ناس هترجعك لمكان أمن و تسيبك فيه لان الطريق اللى انت عايز تمشى فيه اصلا صعب عليك زى الشاب الى نزل من عربيتة و اخد القطة رجعها على الرصيف تانى .. اوقات كمان الناس اللى بترجعك للرصيف او بمعنى اصح ( نقطة البداية ) هى ناس بتحبك مش بتكرهك.. نقطة البداية اوقات بتكون امان ليك مع انك ممكن تكون شايف انك رجعت اووى لكن الرجوع الأمان افضل من التقدم الخطر انتظار نقطة الانطلاق هى اهم هدف فى انطلاقك فى حياتك سواء كان روحية او عملية.. لكن هل تقتكروا عبور القطة للطريق و هو زحمة ده غباء منها وله تهور ومجازفة ولا نسمية ايه؟؟ خلونا نسمية ( عدم و عي ) القطة مش واعية لحجم الخطر الى ممكن تتعرضله لما تعدى طريق بالشكل ده.. عدم الوعى من أفات هذا الزمن.. الوعى نفسة بيتشكل من مجموعة خبرات على فشل على دروس مستفادة من اخطائنا... القطة بدون وعى عدت الطريق و فيه حد رجعها تانى ... و المرة التانية كانت نهايتها خد بالك.. مش كل ايد هترجعك لورا هى ايد بتكرهك ومش كل نصيحة تحركك لقدام هى طريق لمصلحتك cpd 
|
|
العرض الشجري